ព័ត៌មានក្នុងខេត្ត

រដ្ឋបាលខេត្តកណ្ដាល បានរៀបចំពិធីគោរពទង់ជាតិ នៃព្រះរាជាណាចក្រកម្ពុជា នាព្រឹកថ្ងៃទី២២ ខែមិថុនា ឆ្នាំ២០២៦ ដោយមានការអញ្ជើញចូលរួមពីថ្នាក់ដឹកនាំរដ្ឋបាល នាយកទីចាត់ការ និងមន្ត្រីរាជការនៃសាលាខេត្តជាច្រើនរូប។

កម្ពុជាតវ៉ាជំទាស់ចំពោះសកម្មភាពរបស់យោធាថៃ ដែលរំលោភលើអធិបតេយ្យ និងបូរណភាពទឹកដីរបស់កម្ពុជា Cambodia Protests against Thai Military Activities Violating Its Sovereignty and Territorial Integrity

ក្នុងគោលបំណងធានាដល់ការគ្រប់គ្រង ការថែរក្សាដីសាធារណៈរបស់រដ្ឋឱ្យបានល្អសម្រាប់បម្រើប្រយោជន៍សាធារណៈ ព្រមទាំងដើម្បីទប់ស្កាត់សកម្មភាពរំលោភកាន់កាប់ដោយខុសច្បាប់លើដីសាធារណៈរបស់រដ្ឋ នៅកាលព្រឹកថ្ងៃទី១៩ ខែមិថុនា ឆ្នាំ២០២៦ ឯកឧត្តម ហាក់ សុខមករា អភិបាលរងខេត្តកណ្តាល បានដឹកនាំក្រុមការងារចម្រុះ រួមមាន៖ មន្ទីរជំនាញពាក់ព័ន្ធ កម្លាំងមានសមត្ថកិច្ច អាជ្ញាធរស្រុកស្អាង និងមន្ត្រីជំនាញ ចុះត្រួតពិនិត្យជាក់ស្តែងករណីសំណង់ផ្ទះថ្មចំនួន ២ទីតាំង ដែលកំពុងតែសាងសង់រំលោភលើដីសាធារណៈរបស់រដ្ឋ (ដីចំណីទន្លេ) ដែលទីតាំងទី១ស្ថិតនៅភូមិបារ៉ែនលើ ឃុំស្វាយប្រទាល ទីតាំងទី២ ស្ថិតនៅភូមិក្បាលជ្រោយ ឃុំព្រែកគយ ស្រុកស្អាង។

អាជ្ញាធរក្រុងតាខ្មៅ ក្រោមការបញ្ជាពីថ្នាក់ដឹកនាំខេត្តកណ្តាល បានបន្តយុទ្ធនាការចុះត្រួតពិនិត្យ ដើម្បីស្វែងរក និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (Online Scams) នៅថ្ងៃ ទី១៩ ខែមិថុនា ឆ្នាំ២០២៦។ ទីតាំងចុះពិនិត្យ រួមមានសហគ្រាសផលិតភេសជ្ជៈ (សង្កាត់ព្រែកហូរ) បន្ទប់ជួលចំនួន ២កន្លែង (សង្កាត់ដើមមៀន) និងផ្សារទំនើប ជេ.ភី.ហ្សេត. (សង្កាត់ព្រែកហូរ)។ ក្រោយការពិនិត្យយ៉ាងហ្មត់ចត់ សមត្ថកិច្ចពុំបានរកឃើញបទល្មើស Online Scams ឬសកម្មភាពខុសច្បាប់ណាមួយឡើយ។

ឯកឧត្តម ឌឹម បូរ៉ា អភិបាលរងខេត្តកណ្តាល បានដឹកនាំក្រុមការងារចុះពិនិត្យគម្រោងជួសជុលស្តារប្រឡាយបង្ហូរទឹកកខ្វក់ ព្រឹកថ្ងៃទី១៩ ខែមិថុនា ឆ្នាំ២០២៦ ស្ថិតក្នុងភូមិសាស្ត្រ សង្កាត់ព្រែកឫស្សី និងសង្កាត់កំពង់សំណាញ់ ក្រុងតាខ្មៅ ខេត្តកណ្តាល។។

សិក្ខាសាលាជំរុញការអនុវត្តគោលនយោបាយបញ្ចប់អេដស៍ និងចីរភាពកម្មវិធីអេដស៍ ២០២៣-២០២៨ និងការសមាហរណកម្មក្នុងផែនការវិនិយោគ ៣ឆ្នាំរំកិល

កាលពីថ្ងៃទី១៨ ខែមិថុនា ឆ្នាំ២០២៦ អាជ្ញាធរក្រុងសំពៅពូន (ខេត្តកណ្តាល) បានចុះបង្ក្រាបទីតាំង Online Scams មួយកន្លែងនៅភូមិជ្រៃធំ ដោយឃាត់ខ្លួនជនជាតិវៀតណាម ២១ នាក់ និងដកហូតកុំព្យូទ័រ និងទូរស័ព្ទសរុប ៦០ គ្រឿង។ ទន្ទឹមនឹងនេះ ឯកឧត្តម គួច ចំរើន អភិបាលខេត្តកណ្តាល បានបញ្ជាឱ្យពង្រឹងការត្រួតពិនិត្យ និងអំពាវនាវឱ្យពលរដ្ឋរាយការណ៍ពីទីតាំងសង្ស័យ ដោយមានរក្សាការសម្ងាត់ និងផ្តល់រង្វាន់លើកទឹកចិត្ត។

កិច្ចប្រជុំការបូកសរុបលទ្ធផលការងារប្រចាំឆមាសទី១ និងទិសដៅការងារបន្តឆមាសទី២ ឆ្នាំ២០២៦” របស់មន្ទីរអភិវឌ្ឍន៍ជនបទខេត្តកណ្តាល

នៅថ្ងៃទី១៧ ខែមិថុនា ឆ្នាំ២០២៦ ឯកឧត្តម គ្រុយ ម៉ាឡែន អភិបាលរងខេត្តកណ្តាល បានដឹកនាំមន្ទីរជំនាញ និងអាជ្ញាធរ ចុះត្រួតពិនិត្យ និងយកសំណាកពីរោងចក្រចំនួន៣កន្លែង នៅសង្កាត់រកាខ្ពស់ ក្រុងតាខ្មៅ ភ្លាមៗ ក្រោយទទួលបានពាក្យបណ្តឹងតវ៉ារបស់ប្រជាពលរដ្ឋតាមរយៈប្រអប់សារ។

ឯកឧត្តម គួច ចំរើន អភិបាលខេត្តកណ្ដាល ណែនាំដល់ការិយាល័យច្រកចេញចូលតែមួយខេត្ត ត្រូវសហការជាមួយមន្ទីរជំនាញ និងអ្នកពាក់ព័ន្ធទាំងអស់ ត្រូវពន្លឿនការផ្ដល់សេវាជូនប្រជាពលរដ្ឋឱ្យបានលឿន រហ័ស និងទាន់ពេលវេលា ត្រូវបញ្ជៀសឱ្យបានកុំឱ្យនៅកកស្ទះឯកសារ នៅពេលដែលប្រជាពលរដ្ឋបានមកស្នើសុំក្នុងការផ្ដល់សេវា តាមយន្តការការិយាល័យច្រកចេញចូលតែមួយ។ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាលបានធ្វើការណែនាំបែបនេះ ក្នុងឱកាសឯកឧត្តមអញ្ជើញដឹកនាំកិច្ចប្រជុំត្រួតពិនិត្យការងារផ្តល់សេវាតាមយន្តការច្រក ចេញចូលតែមួយខេត្ត កិច្ចប្រជុំត្រួតពិនិត្យវឌ្ឍនភាពការងារសាងសង់សំណង់អត់ច្បាប់ និងកិច្ចប្រជុំការជំរុញការងារចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ នារសៀលថ្ងៃទី១៧ ខែមិថុនា ឆ្នាំ២០២៦ នៅផ្សារប្រជុំសាលាខេត្តកណ្ដាល។

អាជ្ញាធរខេត្តកណ្តាល ចុះត្រួតពិនិត្យឃ្លាំងស្តុកទំនិញ នៅក្រុងតាខ្មៅ មួយកន្លែង ដោយបានដកហូតផលិតផលនាំចូលពីថៃចំនួន ១៨មុខមករក្សាទុក ដើម្បីចាត់វិធានការបន្តទៅតាមច្បាប់

ខេត្តកណ្ដាល ព្រឹកថ្ងៃទី១៧ ខែមិថុនា ឆ្នាំ២០២៦ ឯកឧត្តម ណុប ដារ៉ា អភិបាលរងខេត្តកណ្ដាល អញ្ជើញចូលរួមក្នុងកិច្ចប្រជុំផ្សព្វផ្សាយផែនការសន្តិសុខ សុវត្ថិភាព សណ្តាប់ធ្នាប់ នៅតាមមណ្ឌល អប់រំកែប្រែ និងពន្ធនាគាររាជធានី ខេត្ត ក្រោមអធិបតីភាពឯកឧត្តម ឆែម សាវុធ រដ្ឋលេខាធិការក្រសួងមហាផ្ទៃ និងឯកឧត្តម កង សុខន រដ្ឋលេខាធិការ ក្រសួងមហាផ្ទៃ តាមប្រព័ន្ធបញ្ជូនសំឡេង(zoom meeting)។