ព័ត៌មានក្នុងខេត្ត

ឯកឧត្តម គួច ចំរើន បានសម្តែងសេចក្តីសោមនស្សរីករាយ និងអបអរសាទរយ៉ាងកក់ក្តៅចំពោះក្មួយៗសិស្សានុសិស្ស ដែលបានខិតខំប្រឹងប្រែងរៀនសូត្ររហូតទទួលបានលទ្ធផលល្អប្រសើរ ដោយចាត់ទុកថា ភាពជោគជ័យនេះមិនត្រឹមតែជាមោទនភាពរបស់សិស្សផ្ទាល់ប៉ុណ្ណោះទេ ប៉ុន្តែជាមោទនភាពរបស់មាតាបិតា អាណាព្យាបាល លោកគ្រូ អ្នកគ្រូ សាលារៀន និងខេត្តកណ្ដាលទាំងមូល។

ឯកឧត្តម ប៊ុន ផេង អភិបាលរងខេត្តកណ្ដាល៖ បានណែនាំដល់អាជ្ញាធរក្រុង-ស្រុក និងមន្ត្រីជំនាញត្រូវចុះពិនិត្យស្ថានភាពជាក់ស្តែងនៃអគារសិក្សាដែលជាអំណោយរបស់ សម្តេចតេជោ ហ៊ុន សែន នៅតាមគ្រឹះស្ថានសិក្សានានាក្នុងដែនសមត្ថកិច្ចរបស់ខ្លួន និងធ្វើការវាយតម្លៃផ្នែកបច្ចេកទេសឱ្យបានច្បាស់លាស់

ឯកឧត្តម ប៊ុន ផេង អភិបាលរងខេត្តកណ្តាល បានលើកឡើងថា ទិវាអន្តរជាតិសម្រាប់យុវជន ដែលត្រូវបានប្រារព្ធឡើងជារៀងរាល់ឆ្នាំ គឺជាការរំលេចនូវការទទួលស្គាល់ និងការផ្តល់តម្លៃខ្ពស់ចំពោះតួនាទីរបស់យុវជន ដែលជាកម្លាំងចលករស្នូលក្នុងការអភិវឌ្ឍសង្គម សេដ្ឋកិច្ច និងវប្បធម៌។

ការរៀបចំការប្រកួតនេះ មិនត្រឹមតែជាការជួបជុំ និងប្រកួតកីឡាដើម្បីបង្កើនចំណងមិត្តភាពប៉ុណ្ណោះទេ ប៉ុន្តែក៏ជាសកម្មភាពមនុស្សធម៌ដែលរួមចំណែកប្រមូលថវិកា នាំយកក្តីស្រឡាញ់ ការយកចិត្តទុកដាក់ ជូនដល់បងប្អូនប្រជាពលរដ្ឋដែលបានភៀសសឹក ព្រមទាំងចូលរួមគាំទ្រ ជាមួយរាជរដ្ឋាភិបាលក្នុងការជួយសម្រាលការលំបាករបស់ប្រជាពលរដ្ឋទៀតផង។

ឯកឧត្តម គួច ចំរើន បានលើកទឹកចិត្ត និងផ្តាំផ្ញើរដល់ក្មួយៗ ជាសិស្សានុសិស្សទាំងអស់ សូមកុំមានការភិតភ័យ ត្រូវខិតខំប្រឹងប្រែងបញ្ចេញឱ្យអស់ពីសមត្ថភាព និងចំណេះដឹងរបស់ខ្លួន ពិសេសសូមក្មួយៗសិស្សានុសិស្សត្រូវតែខិតខំធ្វើឱ្យបានរួចរាល់លើគ្រប់វិញ្ញាសា និងសូមបេក្ខជនទាំងអស់ ត្រូវគោរពបទប្បញ្ញត្តិនៃការប្រឡងឱ្យបានល្អប្រសើរ ជាពិសេសមិនត្រូវលាក់ទុកជាប់នឹងខ្លួន នូវឧបករណ៍អេឡិចត្រូនិកគ្រប់ប្រភេទ និងឯកសារផ្សេងៗចូលក្នុងមណ្ឌលប្រឡង ឬបន្ទប់ប្រឡងជាដាច់ខាត ករណីរកឃើញនោះនឹងត្រូវកំណត់ឱ្យធ្លាក់ដោយស្វ័យប្រវត្តិ

ឯកឧត្តម អភិបាលរងខេត្ត ក៏បានលើកទឹកចិត្តដល់សិស្សាទាំងអស់ សូមឱ្យមានការតាំងចិត្តធ្វើសំណួរចម្លើយ ក្នុងការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) រយៈពេល២ថ្ងៃនេះ ឱ្យអស់ពីសមត្ថភាព និងទទួលបានលទ្ធផលល្អ ប្រឡងជាប់ទាំងអស់គ្នា ដើម្បីក្លាយជាធនធានមនុស្សចូលរួមចំណែកក្នុងការអភិវឌ្ឍន៍ ប្រទេសជាតិ

គោលបំណងសំខាន់នៃកិច្ចប្រជុំ គឺដើម្បីពិនិត្យ ពិភាក្សា និងរៀបចំផែនការត្រៀមលក្ខណៈរួមគ្នារវាងក្រសួងអប់រំ យុវជន និងកីឡា រដ្ឋបាលខេត្តកណ្តាល កងកម្លាំងមានសមត្ថកិច្ច និងអាជ្ញាធរពាក់ព័ន្ធគ្រប់លំដាប់ថ្នាក់ ក្នុងការធានាឱ្យដំណើរការប្រឡងសញ្ញាប័ត្រមធ្យមសិក្សាទុតិយភូមិ (បាក់ឌុប) នាថ្ងៃទី១០ ខែសីហា ឆ្នាំ២០២៦ ខាងមុខ ប្រព្រឹត្តទៅដោយរលូន មានតម្លាភាព យុត្តិធម៌ ព្រមទាំងធានាបាននូវសន្តិសុខ សុវត្ថិភាព សណ្តាប់ធ្នាប់សាធារណៈ និងសុខុមាលភាពពេញលេញជូនដល់បេក្ខជន និងគណៈមេប្រយោគទាំងអស់ក្នុងខេត្តកណ្តាល។

នៅក្នុងឱកាសបិទវគ្គបណ្តុះបណ្តាលនេះ លោកជំទាវ ស្រ៊ុន ស្រីនាង បានគូសបញ្ជាក់ថា ការរីកចម្រើនយ៉ាងរហ័សនៃបច្ចេកវិទ្យាឌីជីថលនាពេលបច្ចុប្បន្ន បានបង្ខំឱ្យគ្រប់ស្ថាប័ន និងបុគ្គលគ្រប់រូបត្រូវតែពង្រឹងសមត្ថភាពក្នុងការប្រើប្រាស់បច្ចេកវិទ្យាព័ត៌មានឱ្យបានទូលំទូលាយ។

មានប្រសាសន៍ក្នុងពិធីបើកវគ្គបណ្ដុះបណ្ដាលនេះ លោកជំទាវ ស្រ៊ុន ស្រីនាង អភិបាលរងខេត្តកណ្ដាល មានប្រសាសន៍ថា បច្ចេកវិទ្យាឌីជីថល កំពុងតែរីកចម្រើនយ៉ាងឆាប់រហ័សពីមួយ ថ្ងៃទៅមួយថ្ងៃ ដែលជាកត្តាចម្បងតម្រូវឱ្យគ្រប់អង្គភាព ស្ថាប័ននានា ជាពិសេសបុគ្គលម្នាក់ៗ ត្រូវ តែអាចប្រើប្រាស់ប្រព័ន្ធបច្ចេកវិទ្យាព័ត៌មានយ៉ាងទូលំទូលាយ។

សេចក្ដីជូនដំណឹងស្ដីពី សន្និសីទសារព័ត៌មាននៃដំណើរការរៀបចំការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ - កាលបរិច្ឆេទ៖ ថ្ងៃទី៦ ខែសីហា ឆ្នាំ២០២៦ វេលាម៉ោង ១៤:៣០នាទីរសៀល - ទីតាំង៖ អគាររដ្ឋបាលចៅពញាហុកក្រសួងអប់រំ យុវជន និងកីឡា

គោលបំណងដើម្បីពិនិត្យ ពិភាក្សាការងារ និងស្ដាប់របាយការណ៍វឌ្ឍនភាពស្តីការអនុវត្តកម្មវិធី(មនសិការពលរដ្ឋល្អ)ក្នុងឆ្នាំ ២០២៦ និងរៀបចំទិសដៅផែនការសកម្មភាពអនុវត្តបន្តសម្រាប់ឆ្នាំ ២០២៧។

មានប្រសាសន៍ក្នុងឱកាសនោះ ឯកឧត្តម អ៊ុ សុខ អគ្គលេខាធិការរង សមាគមអតីតយុទ្ធជន និងនិវត្តជនកម្ពុជា បានមានប្រសាសន៍ថា៖សមាគមអតីតយុទ្ធជន និងនិវត្តជនកម្ពុជា គឺជាស្ថាប័នបង្គោលមួយដែលដើរតួយ៉ាងសំខាន់ក្នុងការយកចិត្តទុកដាក់ និងគិតគូរពីសុខទុក្ខរបស់បងប្អូនអតីតយុទ្ធជន ដែលជាអ្នកមានគុណបំណាច់ចំពោះជាតិមាតុភូមិ។ ដើម្បីឆ្លើយតបទៅនឹងការរីកចម្រើននៃបច្ចេកវិទ្យា និងការកែទម្រង់រដ្ឋបាលស៊ីជម្រៅរបស់រាជរដ្ឋាភិបាល។