ព័ត៌មានក្នុងខេត្ត

នាព្រឹកថ្ងៃទី២៥ ខែមិថុនា ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល បានដឹកនាំកិច្ចប្រជុំពិនិត្យ និងផ្តល់យោបល់ លើនិមិត្តសញ្ញារបស់រដ្ឋបាលឃុំ សង្កាត់ ដោយមានការអញ្ជើញចូលរួមពីមន្ទីរ អង្គភាពពាក់ព័ន្ធ។ កិច្ចប្រជុំនេះ គឺមានគោលបំណងធានាឱ្យនិមិត្តសញ្ញានីមួយៗមានអត្ថន័យស៊ីជម្រៅ និងឆ្លុះបញ្ចាំងពីសក្តានុពល ប្រវត្តិសាស្ត្រ ភូមិសាស្ត្រ វប្បធម៌ និងប្រពៃណីពិតប្រាកដរបស់មូលដ្ឋានីមួយៗ ។

ឯកឧត្តម គួច ចំរើន អភិបាលខេត្តកណ្ដាល បានមានប្រសាសន៍ថា៖ នៅពេលមានសាលារៀនសមរម្យ និងអគារសិក្សាល្អហើយ សិស្សានុសិស្សទាំងអស់ត្រូវតែមានចំណេះដឹង និងរៀនកាន់តែពូកែជាមុន ដើម្បីក្លាយជាធនធានមនុស្សដ៏មានសក្ដានុពលសម្រាប់ប្រទេសជាតិ ដែលនេះគឺជាគោលដៅរបស់យើងចង់បាន។

ខេត្តកណ្តាល៖ សមិទ្ធផលនានាជាច្រើន ក្នុងវិស័យអប់រំ នៅក្រុងសំពៅពូន ខេត្តកណ្តាល ត្រូវបានសម្ពោធដាក់ឱ្យប្រើប្រាស់ជាផ្លូវការ នាព្រឹកថ្ងៃទី២៤ ខែមិថុនា ឆ្នាំ២០២៦ នៅក្នុងបរិវេណវិទ្យាល័យ ហ៊ុន សែន សំពៅពូន ក្រោមគណៈអធិបតីភាព ឯកឧត្តម នូ សាខន ប្រធានក្រុមប្រឹក្សាខេត្តកណ្តាល និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល។

​វគ្គបណ្តុះបណ្តាលដ៏មានសារៈសំខាន់នេះ មានគោលបំណងពង្រឹងសមត្ថភាពដល់មន្ត្រីមូលដ្ឋានក្នុងការស្វែងរកដំណោះស្រាយបែបនវានុវត្តន៍ ដើម្បីជំរុញ និងបញ្ជ្រាបគោលដៅអភិវឌ្ឍន៍ប្រកបដោយចីរភាព (SDGs) ទៅក្នុងផែនការអភិវឌ្ឍន៍ឃុំ-សង្កាត់ ក្រុង-ស្រុក និងខេត្ត ឱ្យកាន់តែមានប្រសិទ្ធភាព និងឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋនៅមូលដ្ឋាន។