ព័ត៌មានក្នុងខេត្ត

នៅរសៀលថ្ងៃទី១៦ ខែកក្កដា ឆ្នាំ២០២៦ ឯកឧត្តម គួច ចំរើន អភិបាលខេត្តកណ្តាល បានអញ្ជើញចូលរួមកិច្ចប្រជុំប្រចាំខែតាមរយៈប្រព័ន្ធ Zoom ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីតាមដានវឌ្ឍនភាពការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams) នៅសាលប្រជុំសាលាខេត្តកណ្តាល។

ក្នុងកិច្ចប្រជុំផ្សព្វផ្សាយនេះ ឯកឧត្តម ណុប ដារ៉ា បានបញ្ជាក់ថា ការផ្សព្វផ្សាយនាថ្ងៃនេះ គឺត្រូវបានរៀបចំឡើងក្នុងគោលបំណង លើកកម្ពស់ការយល់ដឹងដល់ជនជាប់ឃុំ អំពីផលប៉ះពាល់ដ៏ធ្ងន់ធ្ងរនៃគ្រឿងញៀន ច្បាប់ពាក់ព័ន្ធនឹងបទល្មើសគ្រឿងញៀន និងការចូលរួមអនុវត្តយុទ្ធនាការជាតិប្រយុទ្ធប្រឆាំងគ្រឿងញៀន ស្របតាមគោលនយោបាយរបស់រាជរដ្ឋាភិបាល ដើម្បីរួមគ្នាកាត់បន្ថយ និងឈានទៅលុបបំបាត់ការប្រើប្រាស់ ការជួញដូរ ការចែកចាយ និងការផលិតគ្រឿងញៀនខុសច្បាប់នៅក្នុងសង្គម។

ព្រឹកថ្ងៃទី១៤ ខែកក្កដា ឆ្នាំ២០២៦នេះ ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល បានប្រគល់សាជីចរាចរណ៍ដល់រដ្ឋបាលក្រុង-ស្រុកទាំង១៣ សម្រាប់ទុកសម្រួលចរាចរណ៍នៅតាមផ្លូវសំខាន់ៗ ពិសេសនៅមុខសាលារៀន ដើម្បីកាត់បន្ថយគ្រោះថ្នាក់ និងសម្រួលចរាចរណ៍ ដល់ប្រជាពលរដ្ឋ និងសិស្សានុសិស្សពេលចេញចូលសាលារៀន។

លោកជំទាវ នួន នារតី ប្រធាន គ.ក.ស.ក ខេត្ត និងលោកជំទាវ ស្រ៊ុន ស្រីនាង អភិបាលរងខេត្ត បានអញ្ជើញចូលរួមសិក្ខាសាលាពិគ្រោះយោបល់លើ "សេចក្តីព្រាងផែនការយុទ្ធសាស្ត្របញ្ជ្រាបយេនឌ័រក្រសួងមហាផ្ទៃ ២០២៦-២០៣០" តាមរយៈប្រព័ន្ធ Zoom ក្រោមអធិបតីភាព លោកជំទាវ អុង សុភាវី រដ្ឋលេខាធិការ និងជាប្រធានក្រុមការងារយេនឌ័រក្រសួងមហាផ្ទៃ ដោយមានការចូលរួមពីមន្ត្រីរដ្ឋបាលខេត្ត មន្ទីរជំនាញ និងអភិបាលរងក្រុង-ស្រុកផងដែរ។

ព្រឹកថ្ងៃទី៦ ខែកក្កដា ឆ្នាំ២០២៦ ដោយមានការណែនាំពីឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ឯកឧត្តម ណុប ដារ៉ា អភិបាលរងខេត្ត បានទទួលការជួបពិភាក្សាការងារមួយចំនួនរបស់ពន្ធនាគារខេត្តកណ្តាល ជាមួយក្រុមការងារអធិការកិច្ច នៃអគ្គាធិការដ្ឋាន ក្រសួងមហាផ្ទៃ។

គណៈកម្មាធិការពិគ្រោះយោបល់កិច្ចការស្ត្រី និងកុមារខេត្តកណ្តាល នៅព្រឹកថ្ងៃទី១ ខែកក្កដា ឆ្នាំ២០២៦នេះ បានរៀបចំកិច្ចប្រជុំសាមញ្ញលើកទី២៤ អាណត្តិទី៤ ឆ្នាំ២០២៦ របស់ខ្លួន នៅសាលប្រជុំសាលាខេត្តកណ្តាល ក្រោមអធិបតី លោកជំទាវ នួន នារតី សមាជិកក្រុមប្រឹក្សាខេត្ត និងជាប្រធាន (គ.ក.ស.ក) ខេត្ត ព្រមទាំងមានការអញ្ជើញចូលរួមពីសំណាក់ឯកឧត្តម លោកជំទាវ លោក លោកស្រី ជាអនុប្រធាន និងសមាជិក (គ.ក.ស.ក)ខេត្ត មន្ទីរអង្គភាពពាក់ព័ន្ធ និងមន្ត្រីជំនាញជាច្រើនរូប។ កិច្ចប្រជុំនេះធ្វើឡើងដើម្បីពិនិត្យ និងពិភាក្សាលើវឌ្ឍនភាពការងារ សំដៅលើកកម្ពស់សុខុមាលភាព និងសិទ្ធិរបស់ស្ត្រី និងកុមារក្នុងខេត្តកណ្តាលឱ្យកាន់តែមានប្រសិទ្ធភាពខ្ពស់។

គោលបំណងនៃការរៀបចំវេទិការផ្សព្វផ្សាយនាពេលនេះ គឺចង់អោយបងប្អូនប្រជាពលរដ្ឋមានការយល់ដឹងកាន់តែច្បាស់អំពីអ្វីទៅជាការជួញដូរមនុស្ស ឬការធ្វើអាជីវកម្មផ្លូវភេទលើស្ត្រី កុមារ ការប្រើអំពើហិង្សាផ្សេងៗ នឹងអោយបងប្អូនបានយល់ពីរបៀបនៃការការពារខ្លួន ឬដើម្បីរកជំនួយជាដើម។ ជាពិសេសដើម្បីចូលរួម លុបបំបាត់ការធ្វើអំពើជួញដូរមនុស្ស និងបង្ហាញពីការចូលរួមក្នុងការទទួលយកនូវចំណេះដឹងដើម្បីយកទៅផ្សព្វផ្សាយបន្តអោយបានទូលំទូលាយអំពីច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មភេទលើស្ត្រី និងកុមារ និង ច្បាប់ស្តីពី ការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះក៏ដូចជាផលវិបាកនៃការធ្វើចំណាកស្រុកដោយប្រថុយប្រថានផងដែរ។

មន្ត្រីរដ្ឋលេខាធិការដ្ឋានកិច្ចការព្រំដែន៖ កុំថាឡើយផែនទីមាត្រដ្ឋាន 1/200 000 របស់គណៈកម្មការឥណ្ឌូចិន-សៀម ដែលបានបញ្ជាក់យ៉ាងច្បាស់ថាប្រាសាទខ្នារនៅក្នុងទឹកដីកម្ពុជា សូម្បីតែផែនទីដែលថៃគូសដោយឯកតោភាគី L7017 ក៏បង្ហាញយ៉ាងច្បាស់ថាប្រាសាទខ្នារគឺស្ថិតនៅក្នុងទឹកដីកម្ពុជា

រដ្ឋបាលខេត្តកណ្តាល រៀបចំកិច្ចប្រជុំផ្សព្វផ្សាយផែនការ ស្តីពីការបន្តនិរន្តភាពយុទ្ធនាការបោសសម្អាត ការឆបោកតាមប្រព័ន្ធបច្ចេកវិទ្យា (Online Scams) ក្នុងមូលដ្ឋានខេត្តកណ្តាល

ឯកឧត្តម គួច ចំរើន អភិបាលខេត្តកណ្ដាល មានប្រសាសន៍ថា៖ មន្ត្រី ឬក៏កម្លាំងណាមួយ ដែលនៅមានជាប់ពាក់ព័ន្ធជាមួយបញ្ហាបទល្មើស Online Scams នោះមិនមានការលើកលែងឡើយ ហើយចំពោះអ្នកដែលទ្វេសប្រហែសមិនយកចិត្តទុកដាក់ មិនអនុវត្តអ្វីដែលបានផ្សព្វផ្សាយកន្លងមក ឬមិនអនុវត្តដោយការទទួលខុសត្រូវពេញលេញនោះទេ នោះការបញ្ចប់តួនាទីពិតជានឹងមានសម្រាប់មន្ត្រី ឬក៏កម្លាំងទាំងនោះ ហើយចំពោះអ្នកដែលជាប់ពាក់ព័ន្ធជាមួយ Online Scams នឹងឈានទៅដល់ការបញ្ជូនទៅតុលាការអនុវត្តទៅតាមច្បាប់ផងដែរ។

វីដេអូឃ្លីប-ការកាន់កាប់ប្រាសាទខ្នាររបស់កម្ពុជាដោយខុសច្បាប់ពីសំណាក់យោធាថៃ(បកស្រាយផែនទី)៥នាទី៥៥វិនាទីHQ

នារសៀលថ្ងៃទី២៤ ខែមិថុនា ឆ្នាំ២០២៦ ឯកឧត្តម ណុប ដារ៉ា អភិបាលរងខេត្តកណ្តាល បានដឹកនាំកិច្ចប្រជុំសម្របសម្រួលឱ្យប្រជាពលរដ្ឋមួយគ្រួសារ រុះរើផ្ទះឈើស្នាក់នៅបណ្តោះអាសន្នចេញពីដីរបស់មន្ទីរសេដ្ឋកិច្ច និងហិរញ្ញវត្ថុខេត្តកណ្តាល ដោយមានការចូលរួមពីតំណាងតុលាការ អាជ្ញាធរ និងសមត្ថកិច្ចពាក់ព័ន្ធ។ លទ្ធផល៖ ភាគីទាំងសងខាងបានឯកភាព និងយល់ព្រមទទួលយកដំណោះស្រាយឈ្នះ-ឈ្នះ ដើម្បីបញ្ចប់វិវាទនេះជាស្ថាពរ។