ព័ត៌មានក្នុងខេត្ត

ឯកឧត្តម ឌឹម បូរ៉ា អភិបាលរងខេត្តកណ្តាល បានដឹកនាំកិច្ចប្រជុំស្តីពី ការត្រួតពិនិត្យការអនុវត្តចំណូលឆមាសទី១ និងការប៉ាន់ស្មាននៃការអនុវត្តចំណូល ប្រចាំឆ្នាំ២០២៦ និងគ្រោងប៉ាន់ស្មានសម្រាប់ការគ្រប់គ្រងឆ្នាំ២០២៧ ដើម្បីពិនិត្យ និងវាយតម្លៃលើប្រភពចំណូល សំដៅធានាប្រសិទ្ធភាព និងភាពជឿជាក់ក្នុងការប្រមូលចំណូលពន្ធ និងសេវាសាធារណៈ ។

ព្រឹកថ្ងៃទី០១ ខែកក្កដា ឆ្នាំ២០២៦ មន្ទីរសេដ្ឋកិច្ច និងហិរញ្ញវត្ថុខេត្តកណ្ដាល បានរៀបចំពិធីប្រគល់-ទទួល កុំព្យូទ័រ ចំនួន ១៥ គ្រឿង ជូនដល់រដ្ឋបាលឃុំ សង្កាត់ និងកិច្ចប្រជុំត្រួតពិនិត្យ វាយតម្លៃវឌ្ឍនភាពការធ្វើបណ្ណកម្មសិទ្ធិដីរដ្ឋ ស្ថិតក្រោមការកាន់កាប់របស់ មន្ទីរជំនាញ អង្គភាព និងរដ្ឋបាលថ្នាក់ក្រោមជាតិ ក្រោមអធិបតីភាពឯកឧត្តម ឌឹម បូរ៉ា អភិបាលរងខេត្តកណ្ដាល ដោយបានការអញ្ជើញចូលរួមពីមន្ទីរ-អង្គភាពពាក់ព័ន្ធ និងរដ្ឋបាលក្រុង-ស្រុកទាំង១៣ ផងដែរ។

លោក ជី ស៊ីវុត្ថា នាយករដ្ឋបាលសាលាខេត្ត បានដឹកនាំកិច្ចប្រជុំត្រួតពិនិត្យ លើសេចក្តីព្រាងរបាយការណ៍ប្រចាំខែមិថុនានិងប្រចាំ ឆមាសទី១ ឆ្នាំ២០២៦ ស្តីពីការអនុវត្តការងាររបស់រដ្ឋបាលខេត្ត ដោយបានការអញ្ជើញចូលរួមពី ទីចាត់ការ-អង្គភាពចំណុះសាលាខេត្ត និងមន្ទីរ-អង្គភាពពាក់ព័ន្ធជុំវិញខេត្តផងដែរ។

នៅរសៀលថ្ងៃទី០១ ខែកក្កដា ឆ្នាំ២០២៦ ឯកឧត្តម ឌឹម បូរ៉ា អភិបាលរងខេត្តកណ្តាល និងលោក នាក់ សុខា ប្រធាននាយកដ្ឋាននៃក្រសួងអធិការកិច្ច បានដឹកនាំកិច្ចប្រជុំស្តីពី «ការចុះធ្វើអធិការកិច្ច និងតាមដានការអនុវត្តច្បាប់នៅរដ្ឋបាលខេត្តកណ្ដាល» ដោយមានការចូលរួមពីមន្ត្រីពាក់ព័ន្ធជាច្រើនរូប។ កិច្ចប្រជុំនេះធ្វើឡើងដើម្បីលើកកម្ពស់អភិបាលកិច្ចល្អ ស្របតាមយុទ្ធសាស្ត្របញ្ចកោណ ដំណាក់កាលទី១ ដោយផ្តោតលើការចុះធ្វើអធិការកិច្ចសំខាន់ៗចំនួន២ សម្រាប់ការិយបរិច្ឆេទឆ្នាំ២០២៥ រួមមាន ការគ្រប់គ្រងការផ្តល់សេវាសាធារណៈ ការគ្រប់គ្រងទ្រព្យសម្បត្តិរដ្ឋ និងកិច្ចលទ្ធកម្មសាធារណៈ។

រដ្ឋបាលខេត្តកណ្តាល រៀបចំវេទិកាផ្សព្វផ្សាយច្បាប់ស្តីពីការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ ច្បាប់ស្តីពីការទប់ស្កាត់អំពើហិង្សាក្នុងគ្រួសារ និងកិច្ចការពារជនរងគ្រោះ និងផលប៉ះពាល់នៃការធ្វើចំណាកស្រុកដោយប្រថុយប្រថាន នៅស្រុកចំនួន០២ ក្នុងភូមិសាស្ត្រខេត្តកណ្តាល

នាព្រឹកថ្ងៃទី៣០ ខែមិថុនា ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល បានដឹកនាំកិច្ចប្រជុំតាមប្រព័ន្ធ Zoom ដើម្បីពិនិត្យ និងផ្តល់យោបល់លើនិមិត្តសញ្ញារបស់រដ្ឋបាលឃុំ-សង្កាត់ មកពីស្រុកកណ្តាលស្ទឹង ស្អាង អង្គស្នួល ល្វាឯម និងក្រុងតាខ្មៅ។ កិច្ចប្រជុំនេះធ្វើឡើងក្នុងគោលបំណងធានាឱ្យនិមិត្តសញ្ញានីមួយៗមានអត្ថន័យស៊ីជម្រៅ ឆ្លុះបញ្ចាំងពីសក្តានុពល ប្រវត្តិសាស្ត្រ ភូមិសាស្ត្រ វប្បធម៌ និងប្រពៃណីពិតប្រាកដរបស់មូលដ្ឋាន។

នាព្រឹកថ្ងៃទី២៩ ខែមិថុនា ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល បានដឹកនាំកិច្ចប្រជុំតាមប្រព័ន្ធ Zoom ជាមួយមន្ទីរពាក់ព័ន្ធ និងរដ្ឋបាលឃុំ-សង្កាត់មួយចំនួន (រួមមានស្រុកពញាឮ លើកដែក ខ្សាច់កណ្តាល កោះធំ និងក្រុងសំពៅពូន) ដើម្បីពិនិត្យ និងផ្តល់យោបល់លើនិមិត្តសញ្ញារបស់រដ្ឋបាលឃុំ សង្កាត់។ កិច្ចប្រជុំនេះធ្វើឡើងក្នុងគោលបំណងធានាឱ្យនិមិត្តសញ្ញាទាំងនោះ មានអត្ថន័យស៊ីជម្រៅ ឆ្លុះបញ្ចាំងពីសក្តានុពល ប្រវត្តិសាស្ត្រ ភូមិសាស្ត្រ វប្បធម៌ និងប្រពៃណីពិតប្រាកដរបស់មូលដ្ឋាននីមួយៗ។

ពន្ធនាគារខេត្តកណ្តាលស្នើសុំបន្ធូរបន្ថយ និងលើកលែងទោស ទណ្ឌិតក្នុងឱកាស ពិធីបុណ្យឯករាជ្យជាតិ និងព្រះរាជពិធី បុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦

រឹកថ្ងៃទី២៣ ខែមិថុនា ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល បានចុះពិនិត្យទីតាំងគម្រោងបង្កើតរោងចក្រផលិតសម្ភារៈកីឡារបស់ក្រុមហ៊ុន CREATIVE FAVOUR នៅស្រុកកៀនស្វាយ។ រោងចក្រនេះនឹងផ្តល់ឱកាសការងាររហូតដល់ ៤៩៤នាក់ ពេលដំណើរការពេញសមត្ថភាព។

កាលពីព្រឹកថ្ងៃទី២២ ខែមិថុនា ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល (តំណាងឯកឧត្តម គួច ចំរើន) រួមជាមួយមន្ទីរពាក់ព័ន្ធ បានចុះពិនិត្យទីតាំងបង្កើតរោងចក្រផលិតកាបូបស្បែករបស់ក្រុមហ៊ុន CENTURY LEATHERWARE (CAMBODIA) CO., LTD. ដែលមានទីតាំងស្ថិតនៅតាមបណ្តោយផ្លូវជាតិលេខ៥១ ក្នុងស្រុកអង្គស្នួល ខេត្តកណ្តាល។

ក្នុងគោលបំណងធានាដល់ការគ្រប់គ្រង ការថែរក្សាដីសាធារណៈរបស់រដ្ឋឱ្យបានល្អសម្រាប់បម្រើប្រយោជន៍សាធារណៈ ព្រមទាំងដើម្បីទប់ស្កាត់សកម្មភាពរំលោភកាន់កាប់ដោយខុសច្បាប់លើដីសាធារណៈរបស់រដ្ឋ នៅកាលព្រឹកថ្ងៃទី១៩ ខែមិថុនា ឆ្នាំ២០២៦ ឯកឧត្តម ហាក់ សុខមករា អភិបាលរងខេត្តកណ្តាល បានដឹកនាំក្រុមការងារចម្រុះ រួមមាន៖ មន្ទីរជំនាញពាក់ព័ន្ធ កម្លាំងមានសមត្ថកិច្ច អាជ្ញាធរស្រុកស្អាង និងមន្ត្រីជំនាញ ចុះត្រួតពិនិត្យជាក់ស្តែងករណីសំណង់ផ្ទះថ្មចំនួន ២ទីតាំង ដែលកំពុងតែសាងសង់រំលោភលើដីសាធារណៈរបស់រដ្ឋ (ដីចំណីទន្លេ) ដែលទីតាំងទី១ស្ថិតនៅភូមិបារ៉ែនលើ ឃុំស្វាយប្រទាល ទីតាំងទី២ ស្ថិតនៅភូមិក្បាលជ្រោយ ឃុំព្រែកគយ ស្រុកស្អាង។

អាជ្ញាធរក្រុងតាខ្មៅ ក្រោមការបញ្ជាពីថ្នាក់ដឹកនាំខេត្តកណ្តាល បានបន្តយុទ្ធនាការចុះត្រួតពិនិត្យ ដើម្បីស្វែងរក និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (Online Scams) នៅថ្ងៃ ទី១៩ ខែមិថុនា ឆ្នាំ២០២៦។ ទីតាំងចុះពិនិត្យ រួមមានសហគ្រាសផលិតភេសជ្ជៈ (សង្កាត់ព្រែកហូរ) បន្ទប់ជួលចំនួន ២កន្លែង (សង្កាត់ដើមមៀន) និងផ្សារទំនើប ជេ.ភី.ហ្សេត. (សង្កាត់ព្រែកហូរ)។ ក្រោយការពិនិត្យយ៉ាងហ្មត់ចត់ សមត្ថកិច្ចពុំបានរកឃើញបទល្មើស Online Scams ឬសកម្មភាពខុសច្បាប់ណាមួយឡើយ។