ឯកឧត្តម ប្រាក់ សារ៉ាត អភិបាលរងខេត្តកណ្តាល បានគូសបញ្ជាក់ពីសារៈសំខាន់នៃការរៀបចំផែនការអភិវឌ្ឍន៍ឃុំ-សង្កាត់ និងក្រុង ដែលជាត្រីវិស័យមិនអាចខ្វះបានក្នុងការជំរុញកំណើនសេដ្ឋកិច្ចមូលដ្ឋាន និងការលើកកម្ពស់ជីវភាពរស់នៅរបស់ប្រជាពលរដ្ឋ។ ឯកឧត្តមបានក្រើនរំលឹកដល់អាជ្ញាធរគ្រប់លំដាប់ថ្នាក់ ត្រូវបន្តយកចិត្តទុកដាក់ខ្ពស់ក្នុងការពិនិត្យឡើងវិញនូវរាល់គម្រោងអាទិភាពនានា ដោយផ្តោតជាចម្បងលើការកសាងហេដ្ឋារចនាសម្ព័ន្ធរូបវន្ត ការពង្រឹងសេវាសាធារណៈ សន្តិសុខសណ្តាប់ធ្នាប់សាធារណៈ និងការឆ្លើយតបទៅនឹងបញ្ហាប្រឈមនានាក្នុងមូលដ្ឋាន។

លោកជំទាវអភិបាលរងខេត្ត បានបញ្ជាក់ថា ការយល់ដឹងស៊ីជម្រៅអំពីសភាពការណ៍ជាតិ តំបន់ និងអន្តរជាតិ គឺជាមូលដ្ឋានដ៏សំខាន់សម្រាប់អ្នកដឹកនាំនៅមូលដ្ឋាន ក្នុងការតម្រង់ទិសការងារ និងរៀបចំផែនការអភិវឌ្ឍន៍ឱ្យឆ្លើយតបបានត្រឹមត្រូវទៅនឹងតម្រូវការជាក់ស្តែងរបស់ប្រជាពលរដ្ឋ។ ជាមួយគ្នានេះ ការក្តាប់បាននូវសុខទុក្ខ កង្វល់ និងសំណូមពររបស់ប្រជាពលរដ្ឋ ក៏ជាកត្តាសំខាន់ក្នុងការបង្កើនប្រសិទ្ធភាពនៃការផ្តល់សេវាសាធារណៈ និងការអភិវឌ្ឍមូលដ្ឋាន។

ឯកឧត្តម ហាក់ សុខមករា អភិបាលរងខេត្តកណ្ដាល បានលើកឡើងថា សិក្ខាសាលានេះ គឺជាវេទិកាសំខាន់សម្រាប់ផ្សារភ្ជាប់តម្រូវការអភិវឌ្ឍន៍នៅមូលដ្ឋាន ជាមួយផែនការ និងលទ្ធភាពគាំទ្ររបស់មន្ទីរ អង្គភាព អង្គការដៃគូអភិវឌ្ឍន៍ និងសប្បុរសជន ដើម្បីធានាថាគម្រោងអភិវឌ្ឍន៍ឆ្លើយតបបានចំគោលដៅ និងផ្តល់ផលប្រយោជន៍ជាក់ស្តែងដល់ប្រជាពលរដ្ឋ។ ឯកឧត្តម បានបន្តថា សម្រាប់ខេត្តកណ្តាល សិក្ខាសាលាសមាហរណកម្មកម្មវិធីវិនិយោគ ៣ឆ្នាំរំកិលឃុំ/សង្កាត់ នៅថ្នាក់ក្រុង ស្រុក បានចាប់ផ្តើមពីថ្ងៃទី៧ ខែតុលា ឆ្នាំ២០២៦ នៅក្រុង ស្រុកទាំង១៣ ក្នុងខេត្ត ដើម្បីគាំទ្រការអនុវត្តផែនការអភិវឌ្ឍន៍រយៈពេល៥ឆ្នាំ តាមរយៈការរៀបចំកម្មវិធីវិនិយោគ៣ឆ្នាំរំកិល។

រដ្ឋបាលខេត្តកណ្ដាល បានរៀបចំកិច្ចប្រជុំបូកសរុបលទ្ធផលនៃការអនុវត្តគោលនយោបាយ “ភូមិ-ឃុំ-សង្កាត់ មានសុវត្ថិភាព” ប្រចាំនព្វមាស (រយៈពេល៩ខែ) ឆ្នាំ២០២៦ និងលើកទិសដៅការងារបន្ត

រដ្ឋបាលស្រុកពញាឮ បើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិលស្រុក ឃុំ ឆ្នាំ២០២៧-២០២៩ នៅថ្នាក់ស្រុក ដោយទទួលបានការគាំទ្រលើគម្រោងអភិវឌ្ឍន៍ជាច្រើន

ឯកឧត្តម ឌឹម បូរ៉ា អភិបាលរងខេត្តកណ្តាល បានមានប្រសាសន៍ថា រដ្ឋបាលស្រុក និងឃុំទាំងអស់ នៃស្រុកពញាឮ ត្រូវខិតខំអនុវត្តគម្រោងរបស់ខ្លួនតាមលទ្ធភាព និងធនធានរបស់ស្ថាប័ន មន្ទីរពាក់ព័ន្ធ សង្គមស៊ីវិល និងសប្បុរសជន ដើម្បីគាំទ្រគំរោងនៅតាមឃុំទាំងនោះបានប្រកបដោយជោគជ័យ។