ស្ទឹងត្រែង៖ នាព្រឹកថ្ងៃទី០៨ ខែតុលា ឆ្នាំ២០២៦ ឯកឧត្តម សរ សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តម ឈាង ឡាក់ ប្រធានក្រុមប្រឹក្សាខេត្ត និង ឯកឧត្តម សរ សុពុត្រា អភិបាលខេត្តស្ទឹងត្រែង បានអញ្ជើញជាអធិបតីក្នុងពិធីចុះចែកអំណោយសង្គ្រោះ ជូនប្រជាពលរដ្ឋក្រីក្រ អតីតយុទ្ធជន និវត្តជន ជនចាស់ជរា ស្ត្រីមេម៉ាយ ជនមានពិការភាព កុមារកំព្រា និងជនរងគ្រោះដោយគ្រោះធម្មជាតិ ចំនួន ២១៩គ្រួសារ ដែលរស់នៅភូមិស្តៅ១ ឃុំស្តៅ ត្រង់ចំណុចអូរសេវ ស្រុកសេសាន ខេត្តស្ទឹងត្រែង ក្នុងឱកាសបុណ្យកាន់បិណ្ឌ និងភ្ជុំបិណ្ឌ។

ស្ទឹងត្រែង៖ នៅរសៀលថ្ងៃទី៧ ខែតុលា ឆ្នាំ២០២៦ នេះ នៅបរិវេណសាលាក្រុងស្ទឹងត្រែង ឯកឧត្តម សរ សុពុត្រា អភិបាលនៃគណៈអភិបាលខេត្តស្ទឹងត្រែង បានអញ្ជើញជួបសំណេះសំណាល សួរសុខទុក្ខ និងចែកអំណោយលើកទឹកចិត្តជូនដល់បងប្អូនអ្នកអនាម័យក្នុងក្រុងស្ទឹងត្រែង ចំនួន ៣០នាក់ ក្នុងឱកាសពិធីបុណ្យភ្ជុំបិណ្ឌដែលជាបុណ្យប្រពៃណីជាតិខ្មែរ។

ខេត្តស្ទឹងត្រែង៖ នារសៀលថ្ងៃទី៧ ខែតុលា ឆ្នាំ២០២៦ នេះ នៅបរិវេណបញ្ជាការដ្ឋានតំបន់ប្រតិបត្តិការសឹករងស្ទឹងត្រែង បានរៀបចំពិធីសំណេះសំណាល សួរសុខទុក្ខ និងចែកអំណោយលើកទឹកចិត្តជូនដល់អតីតយុទ្ធជន និវត្តជន និងគ្រួសារកងកម្លាំងដែលកំពុងជួបការលំបាកចំនួន ២០០គ្រួសារ ក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌ ប្រពៃណីជាតិខ្មែរ។

ខេត្តស្ទឹងត្រែង៖ នៅថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦ នេះ រដ្ឋបាលខេត្តស្ទឹងត្រែងបានរៀបចំកិច្ចប្រជុំសំខាន់មួយស្តីពី «ការពង្រឹងការគ្រប់គ្រងរបៀបរបបបំពេញការងារ និងការគោរពវិន័យមន្ត្រីរាជការ» ក្រោមអធិបតីភាព លោក ស្រ៊ន សំឫទ្ធី អភិបាលរងខេត្ត តំណាងឯកឧត្តម សរ សុពុត្រា អភិបាលខេត្ត នៃគណៈអភិបាលខេត្តស្ទឹងត្រែង នៅសាលប្រជុំតូច សាលាខេត្ត។

ស្ទឹងត្រែង៖ ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ បានចាប់ផ្តើមបើកដំណើរការជាផ្លូវការហើយ ចាប់ពីថ្ងៃទី៧ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២៦ ខាងមុខនេះ នៅតាមសាលាឃុំ-សង្កាត់ទាំងអស់ទូទាំងប្រទេស។ អាជ្ញាធរដែនដីគ្រប់ជាន់ថ្នាក់ បានអំពាវនាវ និងគោរពអញ្ជើញបងប្អូនប្រជាពលរដ្ឋខ្មែរដែលមានសិទ្ធិបោះឆ្នោត ឲ្យរួសរាន់ទៅចូលរួមពិនិត្យឈ្មោះ និងចុះឈ្មោះឲ្យបានគ្រប់ៗគ្នា។

ស្ទឹងត្រែង៖ នៅថ្ងៃទី២៨ ខែកញ្ញា ឆ្នាំ២០២៦ រដ្ឋបាលខេត្តស្ទឹងត្រែង បានរៀបចំពិធីរាប់បាត្រ វេរភត្ត និងបង្សុកូល ដើម្បីឧទ្ទិសមហាកុសលជូនដល់ដួងវិញ្ញាណក្ខន្ធប្រជាជនខ្មែរស្លូតត្រង់ ដែលបានស្លាប់បាត់បង់ជីវិតនៅមន្ទីរសន្តិសុខ ១០៤ (មណ្ឌលឧក្រិដ្ឋកម្មត្រពាំងចោងហោង) ក្នុងរបបកម្ពុជាប្រជាធិបតេយ្យ ក្នុងឱកាសថ្ងៃបិណ្ឌ២ នៃពិធីបុណ្យកាន់បិណ្ឌ និងភ្ជុំបិណ្ឌ។