ខេត្តស្ទឹងត្រែង៖ នៅថ្ងៃទី៦ ខែសីហា ឆ្នាំ២០២៦ អង្គភាពអនុវត្តកម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តរភាព ខេត្តស្ទឹងត្រែង បានរៀបចំកិច្ចប្រជុំថ្នាក់ឃុំលើកទី១ (កញ្ចប់ទី៣) ស្តីពី «ការប្រមូលទិន្នន័យ ដើម្បីសិក្សាសមិទ្ធិលទ្ធភាពការផ្តល់សេវាហេដ្ឋារចនាសម្ព័ន្ធផ្គត់ផ្គង់ទឹកស្អាត និងអនាម័យជនបទ» ដែលបានប្រព្រឹត្តទៅនៅសាលាឃុំស្រែសំបូរ ស្រុកសៀមប៉ាង ខេត្តស្ទឹងត្រែង។

នៅសាលប្រជុំសាលាខេត្ត នារសៀលថ្ងៃទី៥ ខែសីហា ឆ្នាំ២០២៦នេះ លោក ទូច គង្គា រួមជាមួយលោក ស្រ៊ន សំឫទ្ធី អភិបាលរងខេត្តស្ទឹងត្រែង បានដឹកនាំកិច្ចប្រជុំក្រុមការងារលេខាធិការដ្ឋានរៀបចំបុណ្យជាតិ-អន្តរជាតិខេត្ត ដើម្បីពិនិត្យវឌ្ឍនភាពការងារត្រៀមរៀបចំព្រឹត្តិការណ៍-ទិវា ចំនួន២ រួមមាន៖ - ព្រឹត្តការណ៍ទេសចរណ៍ ក្រោមប្រធានបទ “ សក្តានុពលអេកូទេសចរណ៍នៅតំបន់ភូមិភាគឦសាន ក្នុងរដូវកាលបៃតងឆ្នាំ២០២៦ ” ដែលព្រឹត្តការណ៍នេះ នឹងប្រព្រឹត្តទៅពីថ្ងៃទី០៧ ដល់ថ្ងៃ០៩ ខែសីហានេះ នៅទីលានតេជោ-ធិបតី និងវេទិកានាគជ័យ។

ស្ទឹងត្រែង៖ ឯកឧត្តម សរ សុពុត្រា អភិបាលខេត្តស្ទឹងត្រែង បានណែនាំដល់មន្ទីររៀបចំដែនដី នគរូបនីយកម្ម និងសំណង់ខេត្ត គួរតែអនុវត្តការផ្អាកជាបណ្តោះអាសន្នចំពោះសំណង់រឹងណា ដែលត្រូវបានរកឃើញថាមិនទាន់មានការសុំច្បាប់អនុញ្ញាតសាងសង់ត្រឹមត្រូវ ដោយតម្រូវឱ្យម្ចាស់សំណង់ទៅបំពេញនីតិវិធីសុំច្បាប់សិទ្ធិសាងសង់ជាមុនសិន មុននឹងអនុញ្ញាតឱ្យបន្តការសាងសង់។

លោកស្រី វិន ស៊ីធួន អភិបាលរងខេត្តស្ទឹងត្រែង បានដឹកនាំក្រុមការងារចុះសួរសុខទុក្ខ និងនាំយកគ្រឿងឧបភោគ បរិភោគ ព្រមទាំងថវិកាមួយចំនួន ទៅផ្តល់ជូនគ្រួសារក្រីក្រមានបន្ទុកធ្ងន់មួយខ្នងផ្ទះ រស់នៅភូមិកាំងដីស សង្កាត់ព្រះបាទ ក្រុងស្ទឹងត្រែង នាសៀលថ្ងៃទី៣១ ខែកក្កដា ឆ្នាំ២០២៦នេះ ដើម្បីជួយសម្រាលទុក្ខលំបាកជីវភាព និងត្រៀមលក្ខណៈសម្រាប់ការសម្រាលកូននាពេលខាងមុខ។

​ខេត្តស្ទឹងត្រែង៖ លោក សយ គា អនុប្រធានមន្ទីរអភិវឌ្ឍន៍ជនបទខេត្តស្ទឹងត្រែង នាថ្ងៃទី៣០ ខែកក្កដា ឆ្នាំ២០២៦ បានចុះបណ្តុះបណ្តាលស្តីពី «តួនាទី ភារកិច្ចក្រុមស្នូល និងការថែទាំជួសជុលស្នប់ទឹក» ជូនដល់អាជ្ញាធរ និងប្រជាពលរដ្ឋក្នុងឃុំអន្លង់ជ្រៃ ស្រុកថាឡាបរិវ៉ាត់ ដើម្បីធានាបាននូវការផ្គត់ផ្គង់ទឹកស្អាតប្រកបដោយនិរន្តរភាព។

ខេត្តស្ទឹងត្រែង៖ នារសៀលថ្ងៃទី៣០ ខែកក្កដា ឆ្នាំ២០២៦ នេះ លោក ញ៉ែម វណ្ណយុត្តិ នាយករដ្ឋបាលសាលាខេត្តស្ទឹងត្រែង បានអញ្ជើញជាអធិបតីដឹកនាំកិច្ចប្រជុំត្រួតពិនិត្យរបាយការណ៍វឌ្ឍនភាពការងាររដ្ឋបាលខេត្ត ប្រចាំខែកក្កដា ឆ្នាំ២០២៦ និងលើកទិសដៅអនុវត្តបន្ត នៅសាលាខេត្តស្ទឹងត្រែង ដោយមានការចូលរួមយ៉ាងកុះករពីសំណាក់លោក លោកស្រី ជាប្រធាន អនុប្រធានមន្ទីរ-អង្គភាពជំនាញជុំវិញខេត្ត តំណាងរដ្ឋបាលក្រុង-ស្រុក ព្រមទាំងមន្ត្រីរាជការដែលពាក់ព័ន្ធជាច្រើនរូប។