ព័ត៌មានតាមបណ្តារខេត្ត

ប៉ៃលិន៖ ថ្នាក់ដឹកនាំ និងមន្ត្រីជំនាញ នៃបញ្ជាការដ្ឋានកងរាជអាវុធហត្ថខេត្តប៉ៃលិន បានចូលរួមកិច្ចប្រជុំផ្សព្វផ្សាយ ស្តីពី ការងារជ្រើសរើសយោធិន នៃកងរាជអាវុធហត្ថ តាមរយៈប្រព័ន្ធវីដេអូពីចម្ងាយ (Video Conference) ដើម្បីស្វែងយល់ និងត្រៀមអនុវត្តនីតិវិធីជ្រើសរើសកម្លាំងឱ្យមានតម្លាភាព និងប្រសិទ្ធភាពខ្ពស់។

ក្រោយពីបានទទួលនូវរបាយការណ៍របស់អនុសាខាស្រុកទាំង ២មក នៅព្រឹក ថ្ងៃអង្គារ ទី ១ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានចាត់ លោកស្រី ប៉ាង ដានី អភិបាលរងខេត្ត និងជាអនុប្រធានអចិន្ត្រៃយ៍សាខា រួមដំណើរដោយ ឯកឧត្តមនាយកសាខា និងលោក ជា បញ្ញា អនុប្រធានអចិន្ត្រៃយ៍ អនុសាខាស្រុក ក្រុមកាកបាទក្រហមកម្ពុជាឃុំ និងអ្នកស្ម័គ្រចិត្តភូមិ បានអញ្ជើញចុះជួបសំណេះសំណាល សួរសុខទុក្ខ ប្រជាពលរដ្ឋ ៦គ្រួសារ រួមមាន : ១- ៥គ្រួសារ នៅភូមិអណ្តូងតាអុង-ភូមិអណ្តូងដៃ ក្នុងឃុំព្រែកក្របៅ ស្រុកកងមាស ២- ១គ្រួសារ នៅភូមិកេះ ឃុំមៀន ស្រុកព្រៃឈរ ដែលរងផលប៉ះពាល់ដោយខ្យល់កន្ត្រាក់ កាលពីម៉ោង ៤ល្ងាច ថ្ងៃទី ៣១ ខែសីហា ឆ្នាំ២០២៦ ដែលពេលនោះ មានភ្លៀង លាយឡំនឹងខ្យល់កន្ត្រាក់បក់គួច យ៉ាងខ្លាំង ធ្វើអោយផ្ទះ ៦ខ្នង ក្នុងនេះ ២ខ្នង ត្រូវដួលរលំ , ៣ខ្នងទៀត របើកជញ្ជាំង ដំបូលក្បឿង និងសង្កសី រងផលប៉ះពាល់កម្រិតធ្ងន់ ៣ខ្នង និងកម្រិតមធ្យម ២ខ្នង និងកម្រិតស្រាល ១ ខ្នង។

នៅព្រឹកថ្ងៃទី០១ ខែកញ្ញា ឆ្នាំ២០២៦ លោកស្រី ប៉ាង ដានី អភិបាលរងខេត្ត អញ្ជើញចូលរួមក្នុងពិធីបើកសិក្ខាសាលាផ្សព្វផ្សាយ ស្តីពី ផែនការសកម្មភាពជាតិ ស្តីពីការទប់ស្កាត់ និងឆ្លើយតបចំពោះអំពើហិង្សាលើកុមារ ឆ្នាំ២០២៥-២០៣០ និងជំរុញការអនុវត្តផែនការសកម្មភាពសម្រាប់ថ្នាក់ក្រោមជាតិ ក្រោមអធិបតីភាពលោកជំទាវ សម្បត្តិ សុគន្ធា អគ្គលេខាធិការង នៃអគ្គលេខាធិការដ្ឋានក្រុមប្រឹក្សាជាតិដើម្បីកុមារ នៃក្រសួងសង្គមកិច្ច អតីតយុទ្ធជន និងយុវនីតិសម្បទា នៅសាលប្រជុំមន្ទីរមន្ទីរសង្គមកិច្ច។ ក្នុងសិក្ខាសាលាក្នុងថ្ងៃនេះក៏មានការអញ្ជើញចូលរួមពី មន្ទីរអង្គភាពពាក់ពន្ធ័តំណាងក្រុង/ស្រុកទាំង១០ និងអង្គការដៃគូ។

រដ្ឋបាលឃុំផ្អាវ ស្រុកបាធាយ ខេត្តកំពង់ចាម ចេញសេចក្ដីបំភ្លឺបកស្រាយ ការផ្សាយរបស់ទំព័រ Facebook "CK TV Online ព័ត៌មាន និងគណនី BDT TV Online" ដែលបានផ្សាយផ្ទាល់វីដេអូចោទប្រកាន់ថា ផ្លូវបេតុងក្នុងឃុំមានការប្រេះស្រាំ និងគ្មានមន្ត្រីជំនាញចុះពិនិត្យ

(កំពង់ចាម)៖ នាព្រឹកថ្ងៃទី០១ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំមន្ត្រីរាជការ និងអាជ្ញាធរពាក់ព័ន្ធ ចុះពិនិត្យទីតាំងសាងសង់សាលាបុណ្យថ្មីមួយ ស្ថិតនៅក្នុងបរិវេណវត្តសុវណ្ណគិរីរតនៈ ហៅ វត្តភ្នំប្រុស ឃុំអំពិល ស្រុកកំពង់សៀម ខេត្តកំពង់ចាម។

(ប៉ៃលិន)៖ នៅព្រឹកថ្ងៃទី៣១ ខែសីហា ឆ្នាំ២០២៦ អនុគណៈកម្មការសុវត្ថិភាពចរាចរណ៍ផ្លូវគោកខេត្តប៉ៃលិន បានបន្តចុះយុទ្ធនាការផ្សព្វផ្សាយ និងអប់រំច្បាប់ស្តីពីចរាចរណ៍ផ្លូវគោក ព្រមទាំងច្បាប់ និងសារអប់រំពាក់ព័ន្ធនឹងសន្តិសុខ សណ្តាប់ធ្នាប់សាធារណៈ ការបង្ការគ្រោះថ្នាក់ពីគ្រាប់មីន និងយុទ្ធភណ្ឌមិនទាន់ផ្ទុះ និងការទប់ស្កាត់គ្រឿងញៀន ជូនប្រជាពលរដ្ឋនៅតាមមូលដ្ឋាន។ យុទ្ធនាការនេះប្រព្រឹត្តទៅក្រោមអធិបតីភាពលោក សុខ សាវុធ នាយករងរដ្ឋបាលខេត្ត តំណាងលោក សោសុវណ្ណ អភិបាលរងខេត្ត និងជាអនុប្រធានអចិន្ត្រៃយ៍នៃអនុគណៈកម្មការសុវត្ថិភាពចរាចរណ៍ផ្លូវគោកខេត្តប៉ៃលិន ដោយមានការចូលរួមពីតំណាងមន្ទីរសាធារណការ និងដឹកជញ្ជូនខេត្ត តំណាងស្នងការដ្ឋាននគរបាលខេត្ត តំណាងអធិការដ្ឋាននគរបាលស្រុកសាលាក្រៅ ក្រុមប្រតិបត្តិសាខាកាកបាទក្រហមកម្ពុជាខេត្ត យុវជនសហភាពសហព័ន្ធយុវជនកម្ពុជាខេត្តប៉ៃលិន អាជ្ញាធរមូលដ្ឋាន និងប្រជាពលរដ្ឋ សរុបចំនួន ៥០នាក់ ក្នុងនោះស្ត្រី ២១នាក់។

ការលើកឡើងរបស់លោកឧត្តមសេនីយ៍ឯក Prapas Sonjaidee នាយកមជ្ឈមណ្ឌល JIC នៅក្នុងកាសែត The Nation Thailand ចុះថ្ងៃទី៣១ ខែសីហា ឆ្នាំ២០២៦ ដែលអះអាងថា កងទ័ពគួរតែស្ថិតនៅក្នុងទីតាំងដែលបានព្រមព្រៀងគ្នា និងថាភាគីថៃមិនដែលធ្លាប់បានប្ដូរលក្ខខណ្ឌនៅលើដីជាក់ស្ដែង ដោយផ្អែកលើសេចក្ដីប្រកាសរួម ចុះថ្ងៃទី២៧ ខែធ្នូ ឆ្នាំ២០២៥ គឺជាការអះអាងផ្ទុយទាំងស្រុងពីខ្លឹមសារពិតប្រាកដនៃសេចក្ដីប្រកាសរួម ផ្ទុយពីច្បាប់អន្តរជាតិ ខុសពីការពិតនិងភស្ដុតាងនៅលើដីជាក់ស្ដែង។

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នាព្រឹកថ្ងៃទី០១ ខែកញ្ញា ឆ្នាំ២០២៦ បានអញ្ជើញចុះសួរសុខទុក្ខ និងសំណេះសំណាលជាមួយកុមារកំព្រា ដែលកំពុងស្នាក់នៅ និងសិក្សារៀនសូត្រ នៅក្នុងមជ្ឈមណ្ឌលកុមារកំព្រាខេត្តកំពង់ចាម ស្ថិតក្នុងសង្កាត់វាលវង់ ក្រុងកំពង់ចាម។

រដ្ឋបាលក្រុងប៉ៃលិន បានរៀបចំកិច្ចប្រជុំសាមញ្ញលើកទី២៨ របស់ក្រុមប្រឹក្សាក្រុងប៉ៃលិន អាណត្តិទី៤ ក្រោមអធិបតីភាពលោក សួន ប៊ុនសង ប្រធានក្រុមប្រឹក្សាក្រុងប៉ៃលិន នៅសាលប្រជុំសាលាក្រុងប៉ៃលិន។

អភិបាលរងខេត្តកំពង់ចាម អំពាវនាវឱ្យប្រជាពលរដ្ឋគាំទ្រ និងប្រើប្រាស់ផលិតផលក្នុងស្រុក ដើម្បីជំរុញសេដ្ឋកិច្ចមូលដ្ឋាន

ផ្សាយបន្តផ្ទាល់៖ ព្រះករុណាព្រះបាទសម្តេចព្រះបរមនាថ ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សតីស្តេចយាងទៅពិនិត្យព្រះរាជសុខភាពនៅសាធារណរដ្ឋប្រជាមានិតចិន ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦

ក្រសួងធនធានទឹក និងឧតុនិយម នៅថ្ងៃទី១ ខែកញ្ញា ឆ្នាំ២០២៦ នេះ បានចេញសេចក្តីជូនដំណឹង ស្តីពី ស្ថានភាពធាតុអាកាស ដោយបញ្ជាក់ថា ព្រះរាជាណាចក្រកម្ពុជា កំពុងទទួលរងឥទ្ធិពលពីប្រព័ន្ធខ្យល់មូសុងនិរតីដែលបន្តកើនកម្លាំងយ៉ាងសកម្ម ក្រោមការរុញច្រានពីព្យុះចំនួន ២ គឺព្យុះទី២២ "អេតាវ" (Etau) T2622 និងព្យុះទី២៣ "បាងឡាង" (Bang-lang) T2623។