ព័ត៌មានតាមបណ្តារខេត្ត

(ទីក្រុងហូជីមិញ)៖ ស្របតាមផែនការកិច្ចសហប្រតិបត្តិការលើវិស័យព័ត៌មាន ឆ្នាំ២០២៦-២០៣០ និងដើម្បីលើកកម្ពស់សមត្ថភាពបច្ចេកទេសបន្ថែមជូនដល់មន្ត្រីព័ត៌មាននៅតាមបណ្តារាជធានី-ខេត្ត ក្រសួងព័ត៌មានកម្ពុជា បានចាត់បញ្ជូនប្រតិភូ និងមន្ត្រីព័ត៌មានសរុបចំនួន ២៧រូប ដឹកនាំដោយ លោក សាន សុភា ប្រធាននាយកដ្ឋានសហប្រតិបត្តិការអន្តរជាតិ ឱ្យចូលរួមក្នុងវគ្គបណ្តុះបណ្តាលស្តីពី «Foundational Digital & Mobile Journalism Training for Provincial Information Personnel» (ឬជំនាញអនុវត្តស្មាតហ្វូននៅក្នុងយុគសម័យឌីជីថល) ចាប់ពីថ្ងៃទី២៦ ដល់ថ្ងៃទី៣១ ខែកក្កដា ឆ្នាំ២០២៦ នៅទីក្រុងហូជីមិញ សាធារណរដ្ឋសង្គមនិយមវៀតណាម។

សម្តេចបវរធិបតី និងលោកជំទាវបណ្ឌិត ឧបត្ថម្ភគ្រឿងឧបភោគបរិភោគមួយចំនួនជូនតំបន់ប្រតិបត្តិការសឹករងកំពង់ឆ្នាំង

មន្ត្រីព័ត៌មានរាជធានី.ខេត្ត ចំនួន២៧រូប ចូលរួមវគ្គបណ្តុះបណ្តាលជំនាញរាយការណ៍ព័ត៌មានឆ្លាតវៃក្នុងយុគសម័យឌីជីថល នៅប្រទេសវៀតណាម

ស្ទឹងត្រែង . នៅថ្ងៃទី២៧ ខែកក្កដា ឆ្នាំ២០២៦ មន្ទីរទេសចរណ៍ខេត្តស្ទឹងត្រែង សហការជាមួយនាយកដ្ឋានបណ្ដុះបណ្ដាលជំនាញវិជ្ជាជីវៈ នៃក្រសួងទេសចរណ៍ និង រដ្ឋបាលខេត្តស្ទឹងត្រែង បានរៀបចំពិធីបើកវគ្គបណ្ដុះបណ្ដាល មគ្គុទ្ទេសក៍ទេសចរណ៍ថ្នាក់សហគមន៍ សម្រាប់អ្នកកំពុងបម្រើសេវាកម្មនាំភ្ញៀវទេសចរនៅក្នុងខេត្តស្ទឹងត្រែង ដើម្បីពង្រឹងសមត្ថភាពវិជ្ជាជីវៈ លើកកម្ពស់គុណភាពសេវាកម្ម និងបង្កើនស្តង់ដារការបម្រើភ្ញៀវទេសចរ ឱ្យស្របតាមស្តង់ដារជាតិ។

(កំពង់ចាម) ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នារសៀលថ្ងៃទី២៧ ខែកក្កដា ឆ្នាំ២០២៦ បានដឹកនាំប្រតិភូខេត្ត អញ្ជើញចូលរួមរំលែកទុក្ខ និងគោរពវិញ្ញាណក្ខន្ធសព លោក ម៉េង ហ៊ាង ប្រធានក្រុមប្រឹក្សាស្រុកកំពង់សៀម ដែលបានទទួលមរណភាពកាលពីថ្ងៃសៅរ៍ ១១កើត ខែទុតិយាសាធ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែកក្កដា ឆ្នាំ២០២៦ វេលាម៉ោង ២:៤១នាទីរសៀល ក្នុងជន្មាយុ ៧២ឆ្នាំ ដោយរោគាពាធ ស្ថិតនៅមន្ទីរពេទ្យ រាជធានីភ្នំពេញ។ ពិធីបុណ្យប្រារព្ធធ្វើនៅវត្តនគរបាជ័យ ឃុំអំពិល ស្រុកកំពង់សៀម។

បាត់ដំបង៖ លោក លាង វាសនា អភិបាលនៃគណៈអភិបាលក្រុងបាត់ដំបង នាព្រឹកថ្ងៃទី២៧ ខែកក្កដា ឆ្នាំ២០២៦ បានបើកកិច្ចប្រជុំពិភាក្សា ជាមួយអាជីវករ ទទួល ទិញ-លក់ អេតចាយ ក្នុងភូមិសាស្ត្រក្រុងបាត់ដំបង ចំនួន៤០ទីតាំង ដែលប្រព្រឹត្តិទៅនៅសាលប្រជុំសាលាក្រុងបាត់ដំបង ដោយមានការអញ្ជើញចូលរួមពី លោកអភិបាលរងក្រុង លោកមេបញ្ជាការមូលដ្ឋានកងរាជអាវុធហត្ថក្រុង លោកអធិការរងនគរបាលក្រុង លោក លោកស្រី ប្រធាន អនុប្រធាន ការិយាល័យចំណុះរដ្ឋបាលក្រុង លោកមេប៉ុស្តិ៍នគរបាលសង្កាត់ និងលោក លោកស្រី ចៅសង្កាត់ទាំង១០នៃក្រុងបាត់ដំបង។

ប្រសិទ្ធភាព នៃការអនុវត្តគោលនយោបាយភូមិឃុំមានសុវត្ថិភាព

ស្ទឹងត្រែង៖ កាលពីថ្ងៃថ្មីៗនេះ រដ្ឋបាលខេត្តស្ទឹងត្រែង បានរៀបចំកិច្ចប្រជុំគណៈអភិបាលខេត្ត ស្តីពីការពិនិត្យ និងពិគ្រោះយោបល់លើសេចក្តីព្រាងផែនការយុទ្ធសាស្ត្រថវិកាខេត្ត សម្រាប់រយៈពេល ៣ ឆ្នាំ (២០២៧-២០២៩) និងការរៀបចំគម្រោងចំណូល-ចំណាយថវិកាខេត្ត សម្រាប់ការគ្រប់គ្រងឆ្នាំ២០២៧។

(កំពង់ចាម) សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ និង ជាប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅបន្ត ផ្សព្វផ្សាយ សេចក្តីសម្រេចផែនការសកម្មភាព របស់គណៈចលនាស្ត្រីនៃគណៈចលនាមហាជន គណៈកម្មាធិការកណ្តាលដើម្បីចូលរួមការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៧ ឆ្នាំ២០២៧ កិច្ចប្រជុំនេះមានការអញ្ជើញចូលរួមប្រជុំតាមរយៈកម្មវិធីZoom ពីសំណាក់លោកស្រី ប៉ាង ដានី អភិបាលរងខេត្តកំពង់ចាមផងដែរ រួមទាំលោក លោកស្រី សមាជិក អនុប្រធាន និង ប្រធានសមាគមន៍នារីខេត្តកំពង់ចាមនាថ្ងៃទី២៧ ខែកក្កដា ឆ្នាំ២០២៦ស្ថិតនៅសាលាខេត្តកំពង់ចាម។

ព្យុះទី១២ ឈ្មោះ ណូល (Noul) T2612 នៅតែបន្តមានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រ កម្ពុជាពុំស្ថិតនៅក្នុងគន្លងផ្លូវដើររបស់ព្យុះ ណូល នេះទេ ។

នៅថ្ងៃទី២៦ ខែលក្កដាឆ្នាំ២០២៦ នៅ លោកវរសេនីយ៍ឯក សំ ណាល់ អធិការននគរបាលស្រុកបាធាយ តំណាងលោកឧត្ដមសេនីយ៍ទោ ហេង វុទ្ធី ស្នងការនគរបាលខេត្ត និងជាប្រធានសមាគមអតីតយុទ្ធជនខេត្តកំពង់ចាម លោក អួត ឈាងលី អភិបាល នៃគណអភិបាលស្រុក និងសមាជិក សមាជិកាពាក់ព័ន្ធ នៅក្នុងស្រុកបាធាយ បាននាំយកថវិកា ចំនួន ៤.០០០.០០០រៀល ជាប្រាក់បេឡាមរណ:សង្គ្រោះ ដែលមាន សម្ដេចតេជោ ហ៊ុន សែន ជាប្រធានសមាគម ប្រគល់ជូនគ្រួសារសពអតីតយុទ្ធជន ០១គ្រួសារ នៅស្រុកបាធាយ ។

ឯកឧត្តម នេត្រ ភក្ត្រា ដឹកនាំកិច្ចប្រជុំបូកសរុបលទ្ធផលការងារគណបក្សខេត្តក្រចេះ ពង្រឹងប្រសិទ្ធភាព និងជំរុញការអភិវឌ្ឍមូលដ្ឋាន