ព័ត៌មានតាមបណ្តារខេត្ត

ក្រុមការងាររាជរដ្ឋាភិបាលចុះមូលដ្ឋានស្រុករលាប្អៀរ បូកសរុបលទ្ធផលការងារត្រីមាសទី២

សម្តេចតេជោ ហ៊ុន សែន ជំរុញឱ្យអាជ្ញាធរនៅតាមមូលដ្ឋាន តាមបណ្ដាព្រំដែនរវាងកម្ពុជា និងវៀតណាម សហការគ្នាជាប្រចាំ ដើម្បីធានាឱ្យបាននូវសន្តិសុខនៅតាមព្រំដែន

ព្រឹកថ្ងៃទី៣០ ខែមិថុនា ឆ្នាំ២០២៦, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ឧត្តមសេនីយ៍ឯក វ៉ាន់ថង កងម៉ានី (Vanthong Kongmany) រដ្ឋមន្ត្រីក្រសួងសន្តិសុខសាធារណៈនៃសាធារណរដ្ឋប្រជាធិបតេយ្យប្រជាមានិតឡាវ និង ឯកឧត្តម នាយឧត្តមសេនីយ៍ លឿង តាមក្វាង (Lương Tam Quang) រដ្ឋមន្ត្រីក្រសួងនគរបាលនៃសាធារណរដ្ឋសង្គមនិយមវៀតណាម ចូលជួបសម្តែងការគួរសម និងពិភាក្សាការងារនៅវិមានសន្តិភាព។

ឯកឧត្តម ទេព អស្នារិទ្ធ អនុរដ្ឋលេខាធិការដ្ឋាន និងជាអ្នកនាំពាក្យក្រសួងព័ត៌មានប្រកាសថា ក្រសួងព័ត៌មានសូមតវ៉ាយ៉ាងដាច់អហង្ការ ចំពោះទង្វើបំពានម្ដងហើយម្ដងទៀតរបស់ភាគីថៃ ដែលថ្មីៗនេះបាននាំអ្នកសារព័ត៌មានបរទេស (រួមទាំងប្រព័ន្ធផ្សព្វផ្សាយ ABC) ចូលមកកាន់តំបន់អូរស្មាច់ ដែលជាទឹកដីស្ថិតក្នុងអធិបតេយ្យភាព និងបូរណភាពទឹកដីពេញលេញរបស់ព្រះរាជាណាចក្រកម្ពុជា។ ទង្វើបំពានដែលភាគីថៃនេះត្រូវបានធ្វើឡើងដោយគ្មានការជូនដំណឹង ឬទទួលបានការអនុញ្ញាតជាមុនពីអាជ្ញាធរកម្ពុជាក្នុងតំបន់នោះឡើយ។

សម្តេច​ធិបតី​លេីកទឹកចិត្ត​ឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

រដ្ឋមន្ត្រីវៀតណាម គាំទ្រ ឯកឧត្តមអភិសន្តិបណ្ឌិត ស សុខា ផ្ដួចផ្ដើមបង្កើតក្រុមប្រចាំការផ្លាស់ប្ដូរព័ត៌មាន និងសម្របសម្រួលនីតិវិធីពាក់ព័ន្ធការបង្ក្រាបបទល្មើស រួមទាំង Online Scam

ព្រះករុណា ព្រះមហាក្សត្រ និង សម្តេចព្រះមហាក្សត្រី ព្រះវររាជមាតាជាតិខ្មែរ នឹងយាងនិវត្តន៍ មកកាន់មាតុប្រទេសវិញ ក្នុងពេលឆាប់ៗខាងមុខនេះ

ដើម្បីពង្រឹងការយល់ដឹងទៅដល់ប្រជាពលរដ្ឋ និងម្ចាស់ទីតាំងអាជីវកម្មនានា បង្កើនការប្រុងប្រយ័ត្ន និងចូលរួមទប់ស្កាត់ឱ្យបានទាន់ពេលវេលា នូវរាល់បទល្មើសឆបោកតាមប្រព័ន្ធអនឡាញ ព្រមទាំង ធានា សន្តិសុខ សុវត្ថិភាព និងសណ្តាប់ធ្នាប់សង្គម ស្របតាមអនុក្រឹត្យណែនាំលេខ០៣ របស់រាជរដ្ឋាភិបាល និងច្បាប់ស្តីពីការប្រយុទ្ធប្រឆាំង ការឆបោកតាមប្រព័ន្ធបច្ចេកវិទ្យា (Online Scams)។ នៅថ្ងៃទី៣០ ខែមិថុនា ឆ្នាំ២០២៦ អាជ្ញាធរក្រុងកំពង់ចាម បានចុះត្រួតពិនិត្យទីតាំង និងផ្សព្វផ្សាយច្បាប់ និងលិខិតបទដ្ឋានគតិយុត្តសំខាន់ៗ នៅក្នុងភូមិសាស្ត្រសង្កាត់សំបួរមាស ក្រុងកំពង់ចាម ខេត្តកំពង់ចាម ។

(ប៉ៃលិន)៖ រយៈពេល៨ថ្ងៃ នៃវគ្គសិក្សាសមថកម្មដ្ឋាន វិបស្សនាកម្មដ្ឋាន និងសមាទានធុតង្គ ឆ្នាំ២០២៦ ដែលរៀបចំឡើងដោយ ព្រះសោភ័ណរតនវេទី អ៊ា សុផន ព្រះមេគណខេត្តប៉ៃលិន បានបិទបញ្ចប់ដោយជោគជ័យ និងប្រគល់វិញ្ជាបនបត្រ ដល់សិក្ខាកាមទាំងអស់ដែលបានចូលរួម។ ពិធីបិទវគ្គ បានធ្វើឡើងនៅវត្តពោធិមារាម ហៅវត្តប៉ាហ៊ី ដោយមានការចូលរួមជាអធិបតី ពីលោក សោ សុវណ្ណ អភិបាលរងខេត្តប៉ៃលិន តំណាង លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត នាល្ងាចថ្ងៃទី២៩ ខែមិថុនា ឆ្នាំ២០២៦។ វគ្គសិក្សាសមថកម្មដ្ឋាន នេះធ្វើឡើង ក្នុងគោលបំណង បណ្តុះស្មារតីបដិបត្ត នូវក្រមសីលធម៌ គុណធម៌ និងការអនុវត្តព្រះធម៌អប់រំផ្លូវចិត្ត តាមគន្លងមាគារព្រះពុទ្ធសាសនា ដែលសិក្ខាកាមយកទៅអនុវត្ត ក្នុងជីវភាពរស់នៅប្រចាំថ្ងៃ ឱ្យមានក្តីសុខចម្រើន និងសេចក្តីថ្លៃថ្នូរ។

(កំពង់ចាម) លោក ឃន ប្រុស អភិបាលរងខេត្តកំពង់ចាម បានជំរុញឱ្យមន្ទីរជំនាញ និងអាជ្ញាធរមូលដ្ឋាន បង្កើនការយកចិត្តទុកដាក់លើ ការថែទាំសុខភាពបឋមនៅតាមមូលដ្ឋាន ឱ្យកាន់តែមានប្រសិទ្ធភាពខ្ពស់ ដើម្បីឆ្លើយតបទៅនឹងតម្រូវការសុខភាពរបស់ប្រជាពលរដ្ឋបានទាន់ពេលវេលា។

(ប៉ៃលិន)៖ នៅព្រឹកថ្ងៃទី២៩ ខែមិថុនា ឆ្នាំ២០២៦ នេះ បងប្អូនប្រជាពលរដ្ឋរស់នៅក្នុងមូលដ្ឋានឃុំស្ទឹងកាច់ ស្រុកសាលាក្រៅ បានសម្តែងនូវក្តីសប្បាយរីករាយយ៉ាងក្រៃលែង នៅពេលដែលសមត្ថកិច្ចជំនាញផ្នែកអត្តសញ្ញាណកម្ម បានចុះមកផ្តល់សេវាធ្វើអត្តសញ្ញាណប័ណ្ណសញ្ជាតិខ្មែរគំរូថ្មី ជូនពួកគាត់ផ្ទាល់ដល់មូលដ្ឋាន។ យុទ្ធនាការនេះ ត្រូវបានអនុវត្តដោយផែនការងារអត្តសញ្ញាណកម្ម នៃអធិការដ្ឋាននគរបាលស្រុកសាលាក្រៅ សហការជាមួយកម្លាំងប៉ុស្តិ៍នគរបាល រដ្ឋបាលឃុំស្ទឹងកាច់ ក្នុងគោលដៅបង្ខិតសេវាសាធារណៈឱ្យកៀកជិតប្រជាពលរដ្ឋ។

សេចក្ដីជូនដំណឹងរបស់រដ្ឋបាលខេត្តកំពង់ចាម ជូនដល់បងប្អូនប្រជាពលរដ្ឋអញ្ជើញទៅពិនិត្យ និងព្យាបាលសុខភាពភ្នែកដោយឥតគិតថ្លៃ នៅក្នុងបរិវេណមន្ទីរពេទ្យខេត្តកំពង់ចាម នាថ្ងៃទី៤ និងទី៥ ខែកក្កដា ឆ្នាំ២០២៦ខាងមុខនេះ។