ព័ត៌មានតាមបណ្តារខេត្ត

លោក វ៉ាត ណារុណ សេវាករទឹកស្អាត​នៅឃុំ​ទ្រាន ស្រុកកំពង់សៀម ខេត្តកំពង់ចាម អំពាវនាវ​ប្រជាពលរដ្ឋឃុំទ្រាន ចូលរួមប្រើប្រាស់ទឹកស្អាត ដើម្បីមានសុខភាពល្អ និងធានាបាន​អនាម័យ​ខ្ពស់!

ខេត្តមណ្ឌលគិរី ៖ នាថ្ងៃទី១៨ ខែសីហា ឆ្នាំ២០២៦ មន្រ្តីឧទ្យានរុក្ស និងភ្នាក់ងារល្បាតនៃស្នាក់ការណាំរ៉ាម បានសហការជាមួយស្នាក់ការឣូតេ ស្នាក់ការដីខ្មៅ ចំនួន០៧ រូប បានធ្វើការល្បាត ដើម្បីឣង្កេតតាមដាន បង្ការ បង្ក្រាបបទល្មើសធនធានធម្មជាតិ នៅក្នុងដែនជម្រកសត្វព្រៃស្រែពក ខេត្តមណ្ឌលគិរី។ ក្រុមការងារបានធ្វើការដោះឣន្ទាក់សរុបបានចំនួន១០០ ខ្សែ ក្នុងនោះ«ឣន្ទាក់ខ្សែគោចំនួន ៥០ ខ្សែ» និង«ឣន្ទាក់ខ្សែលួសចំនួន៥០ ខ្សែ» ស្ថិតក្នុងភូមិពូជ្រៃចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី។

ខេត្តប៉ៃលិន៖ នាព្រឹកថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ មន្ទីរកិច្ចការនារី ខេត្តប៉ៃលិន បានរៀបចំពិធីបើកវគ្គផ្សព្វផ្សាយ ស្តីពី «អាហាររូបត្ថម្ភ និងសុខភាពបន្តពូជ» ដើម្បីពង្រឹងសមត្ថភាព និងចំណេះដឹងបន្ថែមដល់មន្ត្រីរាជការ ក្នុងគោលដៅលើកកម្ពស់សុខុមាលភាពគ្រួសារ និងសហគមន៍។ ពិធីនេះត្រូវបានប្រព្រឹត្តទៅក្រោមអធិបតីភាព លោកស្រី ចាន់ ថាវី ប្រធានមន្ទីរកិច្ចការនារី ខេត្តប៉ៃលិន ដោយមានការអញ្ជើញចូលរួមពីសំណាក់អនុប្រធានមន្ទីរ ប្រធាន-អនុប្រធានការិយាល័យ និងមន្ត្រីរាជការចំណុះឲ្យមន្ទីរកិច្ចការនារី សរុបចំនួន ៣១នាក់ (ក្នុងនោះមានស្ត្រីចំនួន ១៥នាក់) នៅសាលប្រជុំធំ នៃមន្ទីរកិច្ចការនារី ខេត្តប៉ៃលិន។

​នារសៀលថ្ងៃចន្ទ ៤កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៧ ខែសីហា ឆ្នាំ២០២៦ គណៈប្រតិភូខេត្តមណ្ឌលគិរី ដឹកនាំដោយ ឯកឧត្តម គង់ គឹមនី ប្រធានគណៈកម្មាធិការគណបក្សខេត្ត និងជាអភិបាល នៃគណៈអភិបាលខេត្តមណ្ឌលគិរី និងឯកឧត្តម ម៉ែន ង៉ុយ អនុប្រធានគណៈកម្មាធិការគណបក្សខេត្ត និងជាប្រធានក្រុមប្រឹក្សាខេត្ត បានអញ្ជើញចូលរួមក្នុងសន្និបាតបូកសរុបលទ្ធផលកិច្ចសហប្រតិបត្តិការ ឆ្នាំ២០២២-២០២៥ និងលើកទិសដៅអនុវត្តបន្ត ដំណាក់កាលឆ្នាំ២០២៦-២០៣០ រវាងរដ្ឋបាលខេត្តមណ្ឌលគិរី នៃព្រះរាជាណាចក្រកម្ពុជា និងគណៈកម្មាធិការប្រជាជនខេត្តឡឹមដុង នៃសាធារណរដ្ឋសង្គមនិយមវៀតណាម ក្រោមការដឹកនាំរបស់ ឯកឧត្តម ហោ វ៉ាងមើល ប្រធានគណៈកម្មាធិការប្រជាជនខេត្តឡឹមដុង។

ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពីស្ថានភាពធាតុអាកាសនៅព្រះរាជាណាចក្រកម្ពុជា ចាប់ពីថ្ងៃទី១៨ ដល់ថ្ងៃទី២០ ខែសីហា ឆ្នាំ២០២៦ ដោយបង្ហាញថា ប្រព័ន្ធសម្ពាធទាបដែលកើតមាននៅលើសមុទ្រចិនខាងត្បូង កំពុងបន្តបង្កើនឥទ្ធិពលលើរបបខ្យល់មូសុងនិរតី។ ឥទ្ធិពលនេះបាន និងកំពុងបក់បោកលើតំបន់ឆ្នេរ ឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ និងគ្របដណ្តប់លើផ្ទៃប្រទេសកម្ពុជាទាំងមូល។

នារសៀលថ្ងៃទី១៧ ខែសីហា ឆ្នាំ២០២៦ លោក សុន សារឿន ប្រធានមន្ទីរព័ត៌មានខេត្តមណ្ឌលគិរី បានទទួលសម្ភារៈបច្ចេកទេសបម្រើឱ្យការផ្សព្វផ្សាយ ពីសំណាក់ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ដើម្បីប្រសិទ្ធភាពនៃការផ្សព្វផ្សាយព័ត៌មានរបស់មន្ទីរព័ត៌មានរាជធានី-ខេត្ត ឱ្យកាន់តែទាន់ហេតុការណ៍ និងមានគុណភាពខ្ពស់។

មន្រ្តីជាន់ខ្ពស់ក្រសួងព័ត៌មាន បង្ហាញពីការងារនីតិកម្មច្បាប់សារព័ត៌មាន និងការគ្រប់គ្រងព័ត៌មានក្លែងក្លាយ

ឯកឧត្តមរដ្ឋមន្ត្រី នេត្រ ភក្ត្រា ជំរុញពង្រឹងសមត្ថភាពធនធានមនុស្ស និងបច្ចេកទេស ឆ្លើយតបបច្ចេកវិទ្យាឌីជីថល ដើម្បីលើកកម្ពស់ប្រសិទ្ធភាព គុណភាព និងភាពជឿទុកចិត្តរបស់សាធារណជន

អង្គការសង្គមស៊ីវិលក្នុង​ខេត្តកំពង់ឆ្នាំង បន្តចូលរួម​ទប់ស្កាត់ព័ត៌មាន​ក្លែង​ក្លាយនិងការឆបោកតាមប្រព័ន្ធបច្ចេកវិទ្យា និងជំរុញការកសាងសង្គមឌីជីថលនៅកម្ពុជា

បាត់ដំបងៈ ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ និងជាតំណាងដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានអញ្ជើញបិទសិក្ខាសាលាផ្សព្វផ្សាយស្តីពី “ការវាយតម្លៃសមិទ្ធកម្មការងារ របស់មន្រ្តីផ្អែកលើកិច្ចព្រមព្រៀងការងារ” ដែលប្រព្រឹត្តទៅនារសៀលថ្ងៃទី១៧ ខែសីហា ឆ្នាំ២០២៦ នៅសាលប្រជុំសាលាខេត្តបាត់ដំបង មានការចូលរួមពីលោក ទីន សារ៉ាវុធ អភិបាលរងខេត្តបាត់ដំបង, ប្រតិភូនៃក្រសួងមហាផ្ទៃ, ក្រសួងអប់រំ យុវជន និងកីឡា, ក្រសួងសុខាភិបាល, លេខាធិការដ្ឋាន គ.ជ.អ.ប ព្រមទាំង លោក លោកស្រី មកពីខេត្តសៀមរាប បន្ទាយមានជ័យ ប៉ៃលិន ពោធិ៍សាត់ និងខេត្តកំពង់ឆ្នាំង។

‎ ‎ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន អញ្ជើញដឹកនាំកិច្ចប្រជុំវាយតម្លៃលទ្ធផល និងសមិទ្ធផលពាក់កណ្តាលអាណត្តិ (ខែសីហា ឆ្នាំ២០២៣ មកដល់បច្ចុប្បន្ន) និងផែនការការងារសម្រាប់ឆ្នាំ២០២៧-២០២៨ ដើម្បីសម្រេចផែនការយុទ្ធសាស្ត្រអភិវឌ្ឍន៍ វិស័យព័ត៌មាន និងសោតទស្សន៍ ឆ្នាំ២០២៤-២០២៨ នៅទីស្តីការក្រសួងព័ត៌មាន នាព្រឹកថ្ងៃទី១៧ ខែសីហា ឆ្នាំ២០២៦។

បាត់ដំបង៖ ក្រសួងមុខងារសាធារណៈ សហការជាមួយរដ្ឋបាលខេត្តបាត់ដំបង បានរៀបចំសិក្ខាសាលាផ្សព្វផ្សាយស្ដីពី «ការវាយតម្លៃសមិទ្ធកម្មការងាររបស់មន្រ្តីផ្អែកលើកិច្ចព្រមព្រៀងការងារ» នាថ្ងៃទី ១៧ សីហា ២០២៦ នៅសាលប្រជុំសាលាខេត្តបាត់ដំបង។