ព័ត៌មានតាមបណ្តារខេត្ត
ទាំងអស់មន្ទីរព័ត៌មានខេត្តកំពង់ចាមមន្ទីរព័ត៌មានខេត្តកំពង់ឆ្នាំងមន្ទីរព័ត៌មានខេត្តកំពង់ធំមន្ទីរព័ត៌មានខេត្តកំពង់ស្ពឺមន្ទីរព័ត៌មានខេត្តកំពតមន្ទីរព័ត៌មានខេត្តកោះកុងមន្ទីរព័ត៌មានខេត្តបន្ទាយមានជ័យមន្ទីរព័ត៌មានខេត្តបាត់ដំបងមន្ទីរព័ត៌មានខេត្តប៉ៃលិនមន្ទីរព័ត៌មានខេត្តពោធិ៍សាត់មន្ទីរព័ត៌មានខេត្តព្រៃវែងមន្ទីរព័ត៌មានខេត្តព្រះវិហារមន្ទីរព័ត៌មានខេត្តព្រះសីហនុមន្ទីរព័ត៌មានខេត្តមណ្ឌលគិរីមន្ទីរព័ត៌មានខេត្តរតនគិរីមន្ទីរព័ត៌មានខេត្តសៀមរាបមន្ទីរព័ត៌មានខេត្តស្ទឹងត្រែងមន្ទីរព័ត៌មានខេត្តឧត្តរមានជ័យមន្ទីរព័ត៌មានរាជធានីភ្នំពេញ
សន្តិសុខសង្គម
កម្លាំងប៉ុស្តិ៍នគរបាលរដ្ឋបាលប៉ៃលិន សហការជាមួយរដ្ឋបាលសង្កាត់ប៉ៃលិន ចុះផ្សព្វផ្សាយឣនុក្រឹត្យលេខ០៣ ជូនប្រជាពលរដ្ឋ តាមខ្នងផ្ទះ
(ប៉ៃលិន)៖ នៅថ្ងៃទី៧ ខែកញ្ញា ឆ្នាំ២០២៦ ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន លោកវរសេនីយ៍ទោ មាឃ សារ៉ន អធិការនគរបាលក្រុងប៉ៃលិន បានចាត់ឲ្យ កម្លាំងប៉ុស្តិ៍នគរបាលរដ្ឋបាលប៉ៃលិន សហការជាមួយរដ្ឋបាលសង្កាត់ប៉ៃលិន និងអាជ្ញាធរមូលដ្ឋាន ចុះផ្សព្វផ្សាយអនុក្រឹត្យលេខ ០៣ អនក្រ.បក ស្ដីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្ដុំ ដើម្បីឱ្យប្រជាពលរដ្ឋ បានយល់ដឹងកាន់តែច្បាស់អំពីច្បាប់ និងការចូលរួមថែរក្សាសន្តិសុខសង្គម នៅតាមមូលដ្ឋានផ្ទាល់ និងជាមួយការធ្វើបច្ចុប្បន្នភាព និងបំពេញប្រវត្តិរូបជូន គ្រួសារឣតីតយុទ្ធជន និវត្តជន ជនពិការ នៅភូមិឣូរតាប្រាង សង្កាត់ប៉ៃលិន ក្រុងប៉ៃលិន ខេត្តប៉ៃលិន ចំនួន ៤គ្រួសារផងដែរ។
ការអភិវឌ្ឍ
ក្រុមការងារមន្ទីរសាធារណការខេត្តប៉ៃលិន បន្តសកម្មភាពជួសជុល និងថែទាំហេដ្ឋារចនាសម្ព័ន្ធផ្លូវថ្នល់យ៉ាងសកម្ម
(ប៉ៃលិន)៖ ដើម្បីធានាបាននូវគុណភាពផ្លូវ និងសម្រួលដល់ការធ្វើដំណើររបស់ប្រជាពលរដ្ឋ ក្រុមការងារបច្ចេកទេសនៃមន្ទីរសាធារណការ និងដឹកជញ្ជូនខេត្តប៉ៃលិន បានបន្តចុះអនុវត្តការងារជួសជុល ថែទាំខួប និងថែទាំប្រចាំលើបណ្តាញផ្លូវសំខាន់ៗក្នុងភូមិសាស្ត្រខេត្ត នាថ្ងៃទី០៧ ខែកញ្ញា ឆ្នាំ២០២៦។
សន្តិសុខសង្គម
អនុគណៈកម្មការសុវត្ថិភាពចរាចរណ៍ផ្លូវគោកខេត្ត បន្តការផ្សព្វផ្សាយច្បាប់ស្តីពីចរាចរណ៍ផ្លូវគោក ច្បាប់គ្រឿងញៀន តាមមូលដ្ឋាន
(ប៉ៃលិន)៖ ដោយមានការយកចិត្តទុកដាក់ ពីលោកជំទាវបណ្ឌិត បាន ស្រីម៉ុំ អភិបាលខេត្តប៉ៃលិន និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្តប៉ៃលិន នាព្រឹកថ្ងៃទី៧ ខែកញ្ញា ឆ្នាំ២០២៦ លោក សោ សុវណ្ណ អភិបាលរងខេត្ត បានដឹកនាំក្រុមលេខាធិការដ្ឋាន នៃអនុគណៈកម្មការសុវត្ថិភាពចរាចរណ៍ផ្លូវគោកខេត្ត សហការជាមួយអាជ្ញាធរមូលដ្ឋាន បន្តចុះផ្សព្វផ្សាយច្បាប់ស្តីពីចរាចរណ៍ផ្លូវគោក និងបិទស្ទីកឃ័រចំណាំងផ្លាត ជូនប្រជាពលរដ្ឋដែលស្ថិតនៅក្នុងភូមិបឹងព្រលិត ភូមិទឹកចេញ និងភូមិអូររអិល ឃ៉ំស្ទឹងកាច់ ស្រុកសាលាក្រៅ ខេត្តប៉ៃលិន ដើម្បីឱ្យពួកគាត់មានការយល់ដឹងពីច្បាប់ស្តីពីចរាចរណ៍ផ្លូវគោក យល់ដឹងអំពីសុវត្ថិភាពក្នុងការបើកបរ និងចូលរួមកាត់បន្ថយគ្រោះថ្នាក់ចរាចរណ៍។
បរិស្ថាន
មន្ទីរបរិស្ថានខេត្តប៉ៃលិន ប្រគល់ធុងសំរាមដែកចំនួន ១០ធុង ជូនមន្ទីរទេសចរណ៍ខេត្តប៉ៃលិន
(ប៉ៃលិន)៖ មន្ទីរបរិស្ថានខេត្តប៉ៃលិន បានសម្រេចប្រគល់ធុងសំរាមធ្វើពីដែកចំនួន ១០ធុង ជូនដល់មន្ទីរទេសចរណ៍ខេត្តប៉ៃលិន កាលពីថ្ងៃទី០៧ ខែកញ្ញា ឆ្នាំ២០២៦ ក្នុងគោលបំណងពង្រឹងការគ្រប់គ្រងកាកសំណល់រឹង អនាម័យបរិស្ថាន និងលើកកម្ពស់សោភ័ណភាពនៅតាមតំបន់ទេសចរណ៍សំខាន់ៗក្នុងខេត្ត។
សកម្មភាពថ្នាក់ដឹកនាំ
ក្រុមការងារព័ត៌មាន និងសាធារណៈមតិ ខេត្តប៉ៃលិន ជួបប្រជុំតាមប្រព័ន្ធ Zoom ជាមួយរដ្ឋមន្ត្រីក្រសួងព័ត៌មាន ដើម្បីពង្រឹងការផលិត និងផ្សព្វផ្សាយព័ត៌មាន ជូនប្រជាពលរដ្ឋ
(ប៉ៃលិន)៖ រសៀលថ្ងៃទី៧ ខែកញ្ញា ឆ្នាំ២០២៧ លោកស្រី មើក សុខា អនុប្រធានមន្ទីរព័ត៌មានខេត្ត ប៉ៃលិន បានដឹកនាំក្រុមការងារ អញ្ជើញចូលរួមកិច្ចប្រជុំក្រុមការងារព័ត៌មាន និងសាធារណៈមតិខេត្ត ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នេត ភក្ត្រា រដ្ឋមន្ត្រីក្រសួងព័ត៌មាន ដែលបានរៀបចំឡើងតាមរយៈប្រព័ន្ធអនឡាញ (Zoom) ដែលផ្តោតសំខាន់លើការពិភាក្សា និងដាក់ចេញនូវទិសដៅការងារសំខាន់ៗ ដើម្បី លើកកម្ពស់ការផ្សព្វផ្សាយព័ត៌មាន និងការគ្រប់គ្រងសាធារណមតិ ឱ្យកាន់តែមានប្រសិទ្ធភាពខ្ពស់។
សន្តិសុខសង្គម
នាយកដ្ឋានសវនកម្មផ្ទៃក្នុង នៃក្រសួងព័ត៌មាន ចុះពិនិត្យ និងធ្វើសវនកម្មលើប្រតិបត្តិការគ្រប់គ្រងនៅមន្ទីរព័ត៌មានខេត្តប៉ៃលិន
ប៉ៃលិន៖ នៅថ្ងៃទី៧ ខែកញ្ញា ឆ្នាំ២០២៦ គណៈប្រតិភូនាយកដ្ឋានសវនកម្មផ្ទៃក្នុង នៃក្រសួងព័ត៌មាន ដឹកនាំដោយលោក ឆុន រាសី ប្រធាននាយកដ្ឋាន បានអញ្ជើញចុះពិនិត្យ និងធ្វើសវនកម្មលើប្រតិបត្តិការគ្រប់គ្រង នៅមន្ទីរព័ត៌មានខេត្តប៉ៃលិន ដើម្បីពង្រឹងប្រសិទ្ធភាពការងារ តម្លាភាព និងការទទួលខុសត្រូវខ្ពស់ក្នុងស្ថាប័ន។ កិច្ចប្រជុំនេះមានការចូលរួមពីសំណាក់អនុប្រធាននាយកដ្ឋាន លោក ញ៉ឹប បូរី ប្រធានមន្ទីរព័ត៌មានខេត្តប៉ៃលិន ព្រមទាំងថ្នាក់ដឹកនាំ និងប្រធានការិយាល័យទាំង៥ នៃមន្ទីរព័ត៌មានខេត្ត។
សកម្មភាពអាជ្ញាធរ
គ.ជ.ប ចាប់ផ្ដើមយុទ្ធនាការចែកលិខិតអញ្ជើញដល់អ្នកមានឈ្មោះក្នុងបញ្ជីបោះឆ្នោត ចាប់ពីថ្ងៃទី៧ ខែកញ្ញា រហូតដល់ថ្ងៃទី៣០ ខែវិច្ឆិកា ឆ្នាំ២០២៦
ដំណើរការចែកលិខិត អញ្ជើញជូនប្រជាពលរដ្ឋដែលមានឈ្មោះក្នុងបញ្ជីបោះឆ្នោតផ្លូវការឆ្នាំ២០២៥ ត្រូវបានចាប់ផ្ដើមអនុវត្តជាផ្លូវការ ចាប់ពីថ្ងៃទី៧ ខែកញ្ញា ឆ្នាំ២០២៦ តទៅ រហូតដល់ថ្ងៃបញ្ចប់ការពិនិត្យបញ្ជីឈ្មោះ និងការចុះឈ្មោះបោះឆ្នោត នាថ្ងៃទី៣០ ខែវិច្ឆិកា ឆ្នាំ២០២៦។ គោលបំណងចម្បងនៃការចែកលិខិតអញ្ជើញ គឺដើម្បីផ្ទៀងផ្ទាត់ និងកែតម្រូវទិន្នន័យប្រជាពលរដ្ឋក្នុងបញ្ជីបោះឆ្នោត។ ប្រសិនបើមានកំហុសឆ្គង លើទិន្នន័យណាមួយ អ្នកមានឈ្មោះក្នុងបញ្ជីបោះឆ្នោតអាចស្នើសុំកែតម្រូវឱ្យបានត្រឹមត្រូវស្របតាមអត្តសញ្ញាណប័ណ្ណសញ្ជាតិខ្មែរ (អ.ខ) ក្នុងអំឡុងពេលនៃការពិនិត្យ និងចុះឈ្មោះបោះឆ្នោត។ ការធ្វើបច្ចុប្បន្នភាពទិន្នន័យជីវមាត្រ គឺដើម្បីឱ្យប្រជាពលរដ្ឋដែលបានចុះឈ្មោះបោះឆ្នោតក្នុងរយៈពេល ១០ ឆ្នាំកន្លងទៅ (អំឡុងឆ្នាំ២០១៦ និង ២០១៧) ឱ្យអញ្ជើញទៅថតរូប និង ផ្ដិតខ្ចៅដៃជាថ្មី។
សកម្មភាពថ្នាក់ដឹកនាំ
(Video) : សម្តេចធិបតី នាំក្រុមគ្រួសារដើរលេងកម្សាន្តនៅ Walk Street
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៖ "ទីបំផុតខ្ញុំបាននាំភរិយា និងកូនមកលេង Walk Street ដូចបំណងហើយ ក្រោយពីគម្រោងទៅសម្ពោធទីនោះត្រូវបានលើកពេលជាបន្តបន្ទាប់ដោយសារសង្គ្រាមនៅព្រំដែនជាងមួយឆ្នាំកន្លងមកនេះ។
ទោះបីជាមិនបានដើរទស្សនាគ្រប់កន្លែងតាមបណ្តោយ walk street ក៏ដោយ ក៏ខ្ញុំបានឃើញនូវការរៀបចំរបស់សាលារាជធានីភ្នំពេញ ទាំងសន្តិសុខនិងសណ្តាប់ធ្នាប់បានយ៉ាងល្អ ដែលបង្កលក្ខណៈអោយប្រជាពលរដ្ឋខ្មែរ និងភ្ញៀវទេសចរបរទេសបានមកលេងកំសាន្តដោយសប្បាយរីករាយ មានទាំងចំណីអាហារ និងសិល្បៈកំសាន្ត។
ខ្ញុំក៏សូមអរគុណចំពោះការស្រឡាញ់រាប់អាន របស់លោកអ៊ំ ពូមីង បងប្អូន ក្មួយៗ សម្រាប់រូបខ្ញុំ ព្រមទាំងភរិយា និងកូន"។
ការអភិវឌ្ឍ
សមាគមន៍នារីកម្ពុជា ដើម្បីសន្តិភាព និងអភិវឌ្ឍន៍ខេត្តប៉ៃលិន ចែកចង្ក្រាន្តសន្សំសំចៃជូនប្រជាពលរដ្ឋដែលមានជីវភាពខ្វះខាតចំនួន ២០០គ្រួសារ
ព្រឹកថ្ងៃទី ០៦ ខែកញ្ញា ឆ្នាំ២០២៦ សមាគមន៍នារីកម្ពុជា ដើម្បីសន្តិភាព និងអភិវឌ្ឍន៍ខេត្តប៉ៃលិន បានរៀបចំពិធីសំណេះសំណាល និងចែកចង្ក្រាន្តសន្សំសំចៃជូនប្រជាពលរដ្ឋចំនួន ២០០គ្រួសារ មកពីឃុំស្ទឹងកាច់ នៅសាលប្រជុំធំសាលាស្រុកសាលាក្រៅ ខេត្តប៉ៃលិន។ ពិធីនេះស្ថិតក្រោមអធិបតីភាព លោកជំទាវ មៀច សុធារី អគ្គលេខាធិការសមាគមនារីកម្ពុជា ដើម្បីសន្តិភាព និងអភិវឌ្ឍន៍ និងលោកជំទាវ ពៅ សុខ ប្រធានសមាគមន៍នារីកម្ពុជា ដើម្បីសន្តិភាព និងអភិវឌ្ឍន៍ខេត្តប៉ៃលិន និងលោកស្រី ឡូញ ឈាង អភិបាលរងខេត្តប៉ៃលិន។
សុខាភិបាល
អត្ថប្រយោជន៍ជាច្រើនរបស់ស្លឹក និងផ្លែត្របែកខ្ចី
ត្របែក គឺជាផ្លែឈើសម្បូរទៅដោយវីតាមីនជាច្រើនដូចជា វីតាមីនA C B2 K និង E រួមទាំងសារធាតុរ៉ែផ្សេងៗទៀតរួមមាន ម៉ាញេទិច ផូស្វ័រ ជាតិដែក ស្ពាន់ និង កាល់ស្យូម ព្រមទាំងផ្ទុកនូវសារធាតុ Lycopene ដែលជាសារធាតុម្យ៉ាងជួយប្រឆាំងការលូតលាស់នៃកោសិការមហារីកសុដន់ និង សួត។ បន្ថែមពីលើនេះដែរ គេរកឃើញថា ស្លឹក និងផ្លែត្របែកខ្ចី ផ្ទុកនូវសារធាតុដែលជួយព្យាបាលជំងឺរាគរូស និងផ្ដល់អត្ថប្រយោជន៍ជាច្រើនទៀតចំពោះសុខភាព។
នយោបាយ
(Video) : លោកJean Luc Moreau Deleris អ្នកថតរូបបារាំងដែលនាំឲ្យគេស្វែងយល់ពីសង្រ្គាមឈ្លានពានរបស់ថៃក្នុងដីកម្ពុជា
សង្រ្គាមវាយប្រហារឈ្លានពានរបស់យោធាថៃចូលក្នុងដីកម្ពុជាមិនមែនជារឿងតូចតាចដែលគេត្រូវមើលរំលង។ អ្នកកាសែតថតរូបបារាំង លោក Jean Luc Moreau Delerisបាននាំយករូបភាពស្តីពីទុក្ខវេទនារបស់ប្រជាជនភៀសខ្លួនខ្មែរ ការបំផ្លិចបំផ្លាញប្រាសាទ ផ្ទះសម្បែងដោយសារស្នាដៃវាយប្រហាររបស់កងទ័ពថៃ មកលាតត្រដាងឲ្យគេឃើញ នៅក្នុងមហោស្រពរូបថតកាសែតVisa pour l’image ដែលជាព្រឹត្តិការណ៍អន្តរជាតិដ៏ល្បីឈ្មោះមួយនៅប្រទេសបារាំង។
សន្តិសុខសង្គម
(Video) : រាជរដ្ឋាភិបាលកម្ពុជាបន្តវិធានការក្តៅមិនបន្ធូរដៃដើម្បីបោសសម្អាត Online Scams
រាជរដ្ឋាភិបាលកម្ពុជាបន្តវិធានការក្តៅមិនបន្ធូរដៃដើម្បីបោសសម្អាត Online Scams
នយោបាយ
សេចក្តីប្រកាសព័ត៌មាន ស្តីពី ស្ថានភាពពលរដ្ឋភៀសសឹក និងផលប៉ះពាល់លើតំបន់ស៊ីវិលកម្ពុជា គិតមកត្រឹមព្រឹកថ្ងៃទី៦ ខែកញ្ញា ឆ្នាំ២០២៦
ក្រសួងមហាផ្ទៃ នៃរាជរដ្ឋាភិបាលកម្ពុជា សូមជម្រាបជូនសាធារណមតិជាតិ និងអន្តរជាតិជ្រាបថា ចាប់តាំងពី បទឈប់បាញ់រវាងកម្ពុជា និងថៃ បានចូលជាធរមាន កាលពីថ្ងៃទី២៧ ខែធ្នូ ឆ្នាំ២០២៥ ផ្អែកតាមសេចក្តីប្រកាសរួម នៃកិច្ចប្រជុំពិសេសលើកទី៣ របស់គណៈកម្មាធិការព្រំដែនទូទៅ (GBC) ភាគីថៃពុំបានអនុវត្តតាមកាតព្វកិច្ច បទឈប់បាញ់នេះឱ្យបានពេញលេញ និងស្មោះត្រង់ឡើយ។ ផ្ទុយទៅវិញ យោធាថៃបាននិងកំពុងបន្តរំលោភយ៉ាង ធ្ងន់ធ្ងរលើអធិបតេយ្យភាព និងបូរណភាពទឹកដីកម្ពុជា តាមរយៈការកាន់កាប់ទីតាំងស៊ីវិល ការបំផ្លិចបំផ្លាញទ្រព្យសម្បត្តិ ពលរដ្ឋស៊ីវិល និងការរារាំងប្រជាពលរដ្ឋកម្ពុជាមិនឱ្យវិលត្រឡប់ទៅកាន់លំនៅឋានដើមវិញ។
ក្រសួងមហាផ្ទៃ សូមធ្វើបច្ចុប្បន្នភាពទិន្នន័យបឋម គិតត្រឹមព្រឹកថ្ងៃទី៦ ខែកញ្ញា ឆ្នាំ២០២៦ ដូចខាងក្រោម៖