ព័ត៌មានតាមបណ្តារខេត្ត

នាថ្ងៃទី២១ ខែកក្កដា ឆ្នាំ២០២៦ មន្ត្រីជំនាញខណ្ឌរដ្ឋបាលជលផលកំពង់ចាម សហការជាមួយអាជ្ញាធរស្រុកស្ទឹងត្រង់ រដ្ឋបាលឃុំខ្ពបតាងួន កម្លាំងប៉ុស្តិ៍នគរបាលរដ្ឋបាលខ្ពបតាងួន និងសហគមន៍នេសាទខ្ពបតាងួន បានចុះប្រតិបត្តិការ ត្រួតពិនិត្យ និងបង្ក្រាបបទល្មើសជលផលបាន ១ករណី ដោយរុះរើ និងបំផ្លាញចោលនូវឧបករណ៍ខុសច្បាប់ នៅចំណុចបឹងប្រឆេះ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។

កំពង់ចាម៖ នារសៀលថ្ងៃទី២១ ខែកក្កដា ឆ្នាំ២០២៦នេះលោក ចាន់ រ៉ាន់ អភិបាលរង តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញដឹកនាំ «កិច្ចប្រជុំក្រុមការងារចុះសិក្សា ស្រាវជ្រាវករណីសុំចុះបញ្ជីវិញ្ញាបនបត្រសម្គាល់ម្ចាស់អចលនវត្ថុ ប្រព័ន្ធធារាសាស្ត្រក្នុងខេត្តកំពង់ចាម» ដែលបានរៀបចំឡើងនៅសាលប្រជុំតូច សាលាខេត្តកំពង់ចាម។

កំពង់ចាម៖ នាព្រឹកថ្ងៃទី២១ ខែកក្កដា ឆ្នាំ២០២៦ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម រួមជាមួយ ឯកឧត្តម ខ្លូត ផន ប្រធានក្រុមប្រឹក្សាខេត្ត បានដឹកនាំក្រុមការងារជំនាញ និងមន្ត្រីបច្ចេកទេស អញ្ជើញចុះពិនិត្យផ្ទាល់នូវវឌ្ឍនភាពនៃការសាងសង់ អគាររដ្ឋបាលសាលាខេត្តកំពង់ចាម (ថ្មី) ដែលបច្ចុប្បន្នសម្រេចលទ្ធផលបានប្រមាណ ៩៥% ហើយ។

(កំពង់ចាម) រដ្ឋបាលក្រុងកំពង់ចាម និងក្រុមហ៊ុន ស៊ីទ្រី (CINTRI) នាព្រឹកថ្ងៃទី២១ ខែកក្កដា ឆ្នាំ២០២៦ បានរៀបចំពិធីចុះហត្ថលេខាលើកិច្ចសន្យាសារជាថ្មី ដើម្បី បន្តបម្រើសេវាកម្មប្រមូល និងដឹកជញ្ជូនសំរាម-សំណល់រឹង នៅក្នុងភូមិសាស្ត្រក្រុងកំពង់ចាម សំដៅលើកកម្ពស់សោភ័ណភាព អនាម័យ និងបរិស្ថានក្នុងក្រុងឱ្យកាន់តែល្អប្រសើរ។

សម្ពាធទាបដែលគ្របដណ្តប់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ និងសមុទ្រកម្ពុជា មានឥទ្ធិពលលើរបបខ្យល់មូសុងនិរតីដែលបក់លើព្រះរាជាណាចក្រកម្ពុជា។

សេចក្តីជូនដំណឹង៖ ស្តីពី ថ្លៃលក់រាយប្រេងឥន្ធនៈនៅតាមស្ថានីយសម្រាប់ការអនុវត្តជារៀងរាល់សប្ដាហ៍ចាប់ពីវេលាម៉ោង ១ រសៀលថ្ងៃទី២១ ខែកក្កដា ឆ្នាំ២០២៦ រហូតដល់ថ្ងៃទី២៨ ខែកក្កដា ឆ្នាំ២០២៦

យុទ្ធនាការនិយាយថាទេ ចំពោះព័ត៌មានក្លែងក្លាយ ជំហានទី២ ពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីសុវត្ថិភាពព័ត៌មាន បានប្រារព្ធនៅ វិទ្យាល័យ ហ៊ុន សែន ស្ទឹងត្រង់ ស្ថិតក្នុងស្រុកស្ទឹងត្រង់ ខេត្តកំពង់ចាម នាថ្ងៃទី២០ ខែកក្កដា ឆ្នាំ២០២៦នេះ ដោយមានការអញ្ជើញចូលរួម ពីឯកឧត្តម ជា ក្រូច អនុរដ្ឋលេខាធិការក្រសួងព័ត៌មាន លោក ស្រី សុភក្រ័្ត អភិបាលរងខេត្ត តំណាងដ៍ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោក បាន ស្រេង អភិបាលស្រុក ស្ទឹងត្រង់ លោកស្រី សម ផល្លា ប្រធានមន្ទីរព័ត៌មាន ខេត្តកំពង់ចាម លោកគ្រូ អ្នកគ្រូ សិស្សានុសិស្សយ៉ាងច្រើនកុះករ។

(កំពង់ចាម) ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាអនុប្រធានអចិន្ត្រៃយ៍ក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម បានដាក់ចេញនូវការណែនាំជម្រុញដល់ក្រុមការងារគ្រប់លំដាប់ថ្នាក់ ត្រូវបង្កើនការយកចិត្តទុកដាក់ខ្ពស់លើការដោះស្រាយបញ្ហាប្រឈមជូនប្រជាពលរដ្ឋ ឱ្យកាន់តែមានប្រសិទ្ធភាពខ្ពស់។

(កំពង់ចាម) ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអំពាវនាវ ដល់ប្រជាកសិករគ្រប់ក្រុមគ្រួសារដែលចិញ្ចឹមសត្វគោ-ក្របី ឱ្យនាំយកសត្វពាហនៈរបស់ខ្លួនមកចាក់ថ្នាំបង្ការការពារជំងឺផ្សេងៗ ដើម្បីជៀសវាងការផ្ទុះឡើង និងរីករាលដាលនៃជំងឺឆ្លងនៅក្នុងមូលដ្ឋាន ដោយយុទ្ធនាការនេះត្រូវបានផ្តល់ជូនដោយមន្ត្រីជំនាញ ដោយមិនគិតថ្លៃសេវាឡើយ។

(កំពង់ចាម) ក្នុងពិធីផ្សព្វផ្សាយយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ សិស្សានុសិស្សជាង ១,០០០នាក់ បានរួមគ្នាប្រកាសប្ដេជ្ញាចិត្តថា «និយាយថាទេចំពោះព័ត៌មានក្លែងក្លាយ» (Say No To Fake News)ដើម្បីរួមចំណែកកសាងបរិយាកាសសង្គមឌីជីថលមួយដែលមានសុវត្ថិភាព និងទំនុកចិត្ត។

កំពង់ចាម៖ ឯកឧត្តម ហែម សុវត្ថិ ប្រធានក្រុមការងារចុះមូលដ្ឋានឃុំកោះសូទិន នាព្រឹកថ្ងៃទី១៩ ខែកក្កដា ឆ្នាំ២០២៦ បានដឹកនាំក្រុមការងារ អញ្ជើញប្រគេនទៀនព្រះវស្សា ទេយ្យវត្ថុ ដល់ព្រះសង្ឃចំនួន ៥ វត្ត ដែលបានប្រារព្ធធ្វើឡើងនៅវត្តពោធិរិទ្ធិ ឃុំកោះសូទិន ស្រុកកោះសូទិន ខេត្តកំពង់ចាម។

ខេត្តកំពង់ចាម៖ នារសៀលថ្ងៃទី១៩ ខែកក្កដា ឆ្នាំ២០២៦ លោកស្រី ប៉ាង ដានី អភិបាលរងខេត្តកំពង់ចាម តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលខេត្ត រួមជាមួយ លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជា (CATA) បានអញ្ជើញជាអធិបតីក្នុងពិធីបិទ «វគ្គបណ្តុះបណ្តាលហូកា (HoKa) លើជំនាញសេវាកម្មម្ហូបអាហារ និងភេសជ្ជៈ និងជំនាញគេហកិច្ច» នៅសណ្ឋាគារ LBN ក្រុងកំពង់ចាម ដោយមានការចូលរួមពីមន្ត្រីពាក់ព័ន្ធ គ្រូបង្គោល និងសិក្ខាកាមសរុប ១៣០នាក់ (ស្រី ៦៤នាក់)។