កម្មវិធី ទទក ព័ត៌មានជាតិ និងអន្តរជាតិ ម៉ោង១៥:០០នាទី (ថ្ងៃអង្គារ ៩កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែតុលា ឆ្នាំ២០២៦)
គណៈកម្មការផ្សះផ្សាក្រោមអនុសញ្ញាអង្គការសហប្រជាជាតិស្តីពីនីតិសមុទ្រ ប្រកាសវិធានការកសាងទំនុកចិត្តរវាងកម្ពុជា និងថៃ UNCLOS Conciliation Commission Announces Confidence-Building Measures between Cambodia and Thailand
យោងតាមក្រសួងកសិកម្ម រុក្ខាប្រមាញ់ និង នេសាទ បានឱ្យដឹងថា គិតត្រឹមថ្ងៃទី១៩ ខែតុលា ឆ្នាំ២០២៦ ទំហំនៃការនាំចេញអង្ករផ្លូវការរបស់កម្ពុជាបានហក់ឡើងដល់ ១ ០១៤ ៤៤២ តោន។ នេះគឺជាការបំបែកកំណត់ត្រាឆ្នាំចាស់បានយ៉ាងជោគជ័យ និងជាសមិទ្ធផលដ៏ត្រចះត្រចង់សម្រាប់ជាតិ និងវិស័យកសិកម្មទាំងមូល។
សមេ្តចធិបតីជួបជាមួយ ឯកឧត្តម នាយឧត្តមសេនីយ៍ Antonio G Nafarrete នាយសេនាធិការកងទ័ពហ្វីលីពីន ក្នុងជំនួបសម្តែងការគួរសម និងពិភាក្សាការងារ នៅវិមានសន្តិភាព។
ឯកឧត្តម ប្រាក់ សារ៉ាត អភិបាលរងខេត្តកណ្តាល បានគូសបញ្ជាក់ពីសារៈសំខាន់នៃការរៀបចំផែនការអភិវឌ្ឍន៍ឃុំ-សង្កាត់ និងក្រុង ដែលជាត្រីវិស័យមិនអាចខ្វះបានក្នុងការជំរុញកំណើនសេដ្ឋកិច្ចមូលដ្ឋាន និងការលើកកម្ពស់ជីវភាពរស់នៅរបស់ប្រជាពលរដ្ឋ។ ឯកឧត្តមបានក្រើនរំលឹកដល់អាជ្ញាធរគ្រប់លំដាប់ថ្នាក់ ត្រូវបន្តយកចិត្តទុកដាក់ខ្ពស់ក្នុងការពិនិត្យឡើងវិញនូវរាល់គម្រោងអាទិភាពនានា ដោយផ្តោតជាចម្បងលើការកសាងហេដ្ឋារចនាសម្ព័ន្ធរូបវន្ត ការពង្រឹងសេវាសាធារណៈ សន្តិសុខសណ្តាប់ធ្នាប់សាធារណៈ និងការឆ្លើយតបទៅនឹងបញ្ហាប្រឈមនានាក្នុងមូលដ្ឋាន។
